Búgin Májiliste Palata Tóraǵasy Nurlan Nyǵmatýlın Chehııa Respýblıkasynyń Qazaqstandaǵy Tótenshe jáne О́kiletti Elshisi Elıshka Jıgovany qabyldady.
Kezdesý barysynda Nurlan Nyǵmatýlın atap ótkendeı, Chehııa Qazaqstannyń Ortalyq jáne Shyǵys Eýropadaǵy mańyzdy áriptesi bolyp tabylady. Dıplomatııalyq qatynas ornaǵan 25 jyl ishinde eki el arasynda belsendi saıası únqatysý ornaǵan. Osy ýaqyt ishinde saýda, ekonomıkalyq jáne mádenı-gýmanıtarlyq yntymaqtastyq qarqyndy túrde damydy. Qazaqstandyq jáne chehııalyq parlamentshiler arasyndaǵy ózara is-qımyldyń jaqsy tájirıbesiniń arqasynda tıimdi parlamentaralyq baılanys ornady.
Májilis Tóraǵasy bul Qazaqstan men Chehııa prezıdentteri Nursultan Nazarbaev pen Mılosh Zemannyń ózara túsinistikke negizdelgen birlesken jumysynyń nátıjesi ekenin atap ótti.
Nurlan Nyǵmatýlın Qazaqstan-Chehııa qarym-qatynasy, onyń ishinde parlamentaralyq deńgeıde eki el arasyndaǵy yntamaqtastyqtyń odan ári nyǵaıa túsetinine senim bildirdi.
Qazaqstan – bul Eýropa men Azııa arasyndaǵy kópir ekenin alǵa tartqan Májilis Tóraǵasy Qazaqstan Prezıdenti Nursultan Nazarbaevtyń kelesi jyly Eýrazııa keńistigindegi 25 jyldyǵyn atap ótý ıdeıasynyń mańyzdylyǵyna toqtaldy.
О́z kezeginde Chehııa elshisi ekijaqty qarym-qatynastardyń keń aýqymyn ataı otyryp, Qazaqstan Chehııa úshin Ortalyq Azııa aımaǵyndaǵy eń mańyzdy memleket ekenin aıtty. Elıshka Jıgova Chehııa Eýropalyq Odaqta Qazaqstanmen qalaı tıimdi jumys isteý kerektigin kórsetýi múmkin degen pikirin bildirdi. Sonymen qatar, dıplomat eki jaqty yntymaqtastyqty odan ári damytý úshin parlamentaralyq quramdastardyń mańyzdylyǵyna nazar aýdardy.