Ataýy ózgergen kóshelerdiń ishinde burynǵy Kýtýzov pen Lenın kósheleri de bar. Elimizdegi onomastıka komıssııasynyń sheshimimen Lenın kóshesi Astana, Kýtýzov kóshesi Táýelsizdik dańǵyly dep ózgertildi.
Osy jyldyń tamyz aıynda Elbasy Jarlyǵymen Lebıaji aýdany Aqqýly aýdany, Kachır aýdany Tereńkól aýdany bolyp qaıta ataldy
Oblystyq mádenıet, arhıvter jáne qujattama basqarmasynyń málimetinshe, aldaǵy jyly da óńirde mádenıet salasynda, til, onomastıkalyq máselelerge qatysty osyndaı birqatar jumystar atqarylady.
Biraq, ataýlary ózgergen 72 kósheniń basym kópshiligi -aýdan ortalyqtarynda, shaǵyn aýyldarda.
Oblys ortalyǵynda eldik-maqsat-múddege saı ózgeretin kóshe ataýlary da az emes.
Qazir oblys ortalyǵyndaǵy Sývorov kóshesine Malaısary batyrdyń, Aımanov-Toraıǵyrov kósheleriniń qıylysyndaǵy kóshege Baıan batyrdyń esimin berý jóninde usynystar qoldaý tabýda.
О́tkenine oralar jer-sý, aýyl, qala ataýlary baryn da eskerelik.
Al, bul kúnderi Jelezın aýdanynyń Jelezın №3 orta bilim berý mektebine Mirjaqyp Dýlatulynyń, Ekibastuz qalasynyń M. Glınka atyndaǵy balalar mýzyka mektebine Estaı Berkimbaıulynyń esimderin berý týraly sheshim shyǵaryldy.
Farıda BYQAI,
«Egemen Qazaqstan»
PAVLODAR