El Táýelsizdigi kúni qarsańynda Aqqaıyń aýdanynda zamanaýı sút fermasy ashyldy. Aqqaıyń aýdanyna jumys saparmen barǵan oblys ákimi Qumar Aqsaqalov «Ivan Zenchenko» JShS-niń zamanaýı sút fermasynda boldy. Nysandy Qazaqstannyń Eńbek Eri Gennadıı Zenchenkonyń nemeresi Ivan Zenchenko turǵyzdy. Ol atasynyń jolyn qýyp, eńbek dınastııasyn jalǵastyryp keledi. Ferma tolyq avtomattandyrylǵan, sońǵy úlgidegi sıfrly tehnologııalar engizilgen. Kúnine 10 tonnaǵa deıin sút óndire alady.
«Prezıdent ekonomıkany sıfrlandyrý boıynsha mindetter qoıǵan bolatyn. Elimizdiń basty merekesi qarsańynda oblys boıynsha sońǵy úlgidegi 4 sút fermasyn ashyp otyrmyz. Bári– sıfrly keshender», - dedi Qumar Aqsaqalov. Sapar barysynda aımaq basshysy Rýblevka aýylyndaǵy jańartylǵan mádenıet úıine bardy. «Rýhanı Jańǵyrý» baǵdarlamasy aıasynda seriktestik mádenı nysandy kúrdeli jóndeýden ótkizýge qarajat bólgen. Ákim Aqqaıyń aýdanynyń jurtshylyǵymen kezdesip, sharýashylyqtyń atqarǵan jumystaryna oń baǵasyn berdi. 15 jyldan keıin mádenıet oshaǵy qaıta jańartylyp, aýyldyqtardyń shyǵarmashylyq, rýhanı ortalyǵyna aınalyp otyr.
Seriktestik Rýblevka aýylynda zamanaýı sport keshenin turǵyzýdy josparlap otyr.
О́mir ESQALI,
«Egemen Qazaqstan».
Soltústik Qazaqstan oblysy