Jıyndy ashqan Nursultan Nazarbaev Túrkistan qalasynda qurylys jumystaryn bastaý úshin shuǵyl sharalar qabyldaý qajettigin aıtty, dep habarlaıdy Aqordanyń baspasóz qyzmeti.
– Túrkistan – búkil halqymyz úshin qasıetti qala. Biz bul shahardy odan ári damytý máselesin jan-jaqty talqylap, tıisti tapsyrmalar berip, qajetti qarajat bóldik. Ýaqyt keldi, alaıda eshqandaı jumys bastalǵan joq. Oblys ortalyǵyn salý jóninde belgilegen jospardy oryndaýǵa kirisý kerek, – dedi Elbasy.
Qazaqstan Prezıdenti qalanyń ákimshilik-iskerlik ortalyǵyn, turǵyn úıler alabyn jáne áleýmettik nysandardy salý basym baǵyt bolyp sanalatynyn atap ótti.
Jıynda Premer-Mınıstrdiń birinshi orynbasary A.Mamınniń, Túrkistan oblysynyń ákimi J.Túımebaevtyń, Mádenıet jáne sport mınıstri A.Muhamedıulynyń jáne Halyqaralyq sáýlet baıqaýy komıssııasynyń tóraǵasy A.Zikirınniń Túrkistannyń bas josparynyń tujyrymdamasyn iske asyrý barysy, sonyń ishinde qalada jańa nysandar salý josparlary týraly baıandamalary tyńdaldy.
Sońynda Memleket basshysy jańǵyrtylatyn energııa kózderin paıdalanýdyń mańyzdylyǵyna nazar aýdaryp, oblys ortalyǵyn energııamen jáne sýmen qamtamasyz etý salalaryn jaqsartýǵa qatysty birqatar naqty tapsyrma berdi.