Qaraǵandyda osydan bir apta buryn oblystaǵy tuńǵysh kóshi-qon halyqqa qyzmet kórsetý ortalyǵy ashylǵan bolatyn. Osy ýaqyt aralyǵynda munda sheteldiń 600 azamaty qujattaryn rásimdep úlgerdi.
Shetel azamattary bul jerde bir saǵat kóleminde JSN alyp, turý yqtııarhatyn, sondaı-aq, óńirde turý úshin qajetti basqa da qujattardy rásimdeı alady. Jańa mekemede dáriger bólmesi de bar, ol jerde medısınalyq tekseristen ótýge bolady, daktıloskopııa, saqtandyrý kabınetteri men arnaıy oqytylǵan keńesshiler bar. Mamandandyrylǵan HQKO qyzmettiń 11 túri kórsetiledi.
– Eger buryn shetel azamaty barlyq qujattardy rásimdeý úshin bes kúndeı ýaqytyn jumsasa, endi onyń barlyǵyna tek 60 mınýtyn ketiretin bolady. Oǵan qosa Qaraǵandyǵa alǵash ret kelgender úshin túrli mekemelerge barý qıyn bolatyn, sebebi olar qalany bilmeıdi. Al munda biz bir tereze prısıpi boıynsha qyzmet kórsetemiz, – deıdi Qaraǵandy oblysynyń kóshi-qon qyzmeti basqarmasynyń basshysy Ashat Muqanov.
Qaırat ÁBILDA,
«Egemen Qazaqstan»
Qaraǵandy