Jańa jyl merekesi qarsańynda, Astanalyq otbasylar «Nurly jer» memlekettik turǵyn úı qurylysy baǵdarlamasyn iske asyrý aıasynda «Keıinnen satyp alýmen jalǵa beriletin turǵyn úı» baǵyty boıynsha jańa páterlerdiń kiltin aldy, dep habarlaıdy «Qazaqstan Ipotekalyq Kompanııasy» IU» AQ baspasóz-qyzmeti.
Kiltterdi tapsyrý saltanatty rásimine Astana qalasynyń ákimi Baqyt Sultanov jáne «QIK» IU» AQ Basqarma Tóraǵasy Ádil Muhametjanov qatysty.
Jalǵa beriletin páterlerdi Astana qalasy ákimdiginde kezekte turǵandar aldy – olar kóp balaly otbasylar, 1-2-toptaǵy múgedekter jáne múgedek balalardy tárbıelep otyrǵan otbasylar, ata-anasynyń qamqorlyǵynsyz qalǵan jetim balalar jáne halyqtyń áleýmettik osal toptaryna jatatyn basqa da azamattar.
Qonystanýshylarǵa Lepsi kóshesi, 44 úı mekenjaıynda ornalasqan jalpy alańy 4,3 myń sh.m. bolatyn turǵyn úıden 80 páter berildi. Onyń ishinde: 25 – bir bólmelik, 41 – eki bólmelik, 14 – úsh bólmelik páter bar. Obekt Esildiń sol jaǵalaýynda ornalasqan, janynda mektep, jekeshe balabaqshalar, qalalyq emhana jáne balalar aýrýhanasy bar.
Aı saıynǵy jaldaý aqysy 1 sharshy metr úshin 839 teńgeni quraıdy. Barlyq páterler kezekte turǵandarǵa árlengen kúıinde tapsyryldy. Olar tolyqtaı qonystanýǵa daıyn, úılerge qajetti kommýnıkasııalar júrgizilgen. Bastapqy jarna jáne artyq tólem joq. 20 jyl ótkennen keıin páterler jaldaýshylardyń menshigine ótedi.
Jańa jaldaýshylarǵa sóılegen sózinde «KIK» IU» AQ Basqarma Tóraǵasy Ádil Muhametjanov qonystanýshylardy quttyqtady jáne Memleket basshysynyń qazaqstandyqtar úshin turǵyn úıdiń qoljetimdi bolýy týrasyndaǵy tapsyrmasyn oryndaýdyń mańyzdylyǵy týraly aıtty:
«Nurly jer» membaǵdarlamasynyń mańyzdy mindetteriniń biri azamattardyń áleýmettik osal toptarynyń turǵyn úı jaǵdaılaryn jaqsartý bolyp tabylady. Sońǵy 4 jyl ishinde úlken jumys jasaldy. Búginde «Keıinnen satyp alýmen jalǵa beriletin turǵyn úı» baǵyty boıynsha salynǵan páterlerde shamamen 18 myńnan astam otbasy turyp jatyr. Osynshama áserli derekter – barlyq taraptan josparlanǵan jumystardyń sátti nátıjesi men tıimdilik kórsetkishi», - dedi Ádil Muhametjanov.
«Keıinnen satyp alýmen jalǵa beriletin turǵyn úı» baǵyty Memleket basshysy bastamalyq etken «Nurly jer» memlekettik turǵyn úı qurylysy baǵdarlamasynyń bóligi bolyp tabylady. «Báıterek» UBH» AQ-nyń enshiles uıymy bolyp tabylatyn «Qazaqstan Ipotekalyq Kompanııasy» IU» AQ baǵdarlama operatorlarynyń biri bolyp tabylady.