Búgin Gollandııanyń Veık-an-Zee qalasynda álemdegi eń myqty shahmat týrnırleriniń biri - Tata Steel chess tournament 2019 bastalady. Dınara Sádýaqasova − 1937 jyldan bastap jyl saıyn ótkiziletin aty ańyzǵa aınalǵan týrnırge shaqyrtý alǵan alǵashqy qazaqstandyq.
«Men úshin bul týrnırge shaqyrtý alý jáne álemniń eń myqty grossmeısterlerimen bir kompanııada oınaý úlken mártebe. Múmkindikterimdi óte joǵary deńgeıde paıdalanyp, jaqsy nátıje kórsete alamyn dep úmittenemin» dedi Dınara Sádýaqasova.
Halyqaralyq týrnır 11-27 qańtar aralyǵynda ótedi. 2 aınalymdyq týrnır jáne úshinshi negizgi týrnırden turady. Aınalmaly týrnırlerge oıynshylar tek shaqyrý boıynsha túsedi. Eger A týrnırine qazirgi álem chempıony Magnýs Karlsendi qosa alǵanda, erler elıtasy qatyssa, onda B týrnırine 2500-den astam reıtıngi bar belgili jáne keleshegi bar shahmatshylar qatysady.
«Tata Steel-ge álemniń eń myqty grossmeısterleri men bolashaǵynan zor úmit kúttiretin jas oıynshylar qatysatyndyqtan, bul – úlken jetistik. Týrnırdiń ortasha reıtıngi – 2582, demek, planka óte joǵary. Degenmen biz Dınaranyń kúshine kúmán keltirmeımiz» dedi Qazaqstan shahmat federasııasynyń atqarýshy dırektory Irına Grıshenko.
Qazaqstandyq oınaıtyn Tata Steel Challengers quramy óte myqty oıynshylardan quralǵan. 14 oıynshynyń arasynda myqty grossmeısterler bar: Anton Korobov, Vladıslav Kovalev, Ervın L ' Amı, Parham Magsýdlý, sondaı-aq jas shahmat výnderkındteri Rameshbabý Praggnanandha, Vınsent Kaımer jáne t.b.
Aqmaral AǴZAMQYZY,
«Egemen Qazaqstan»