Almatylyqtar jıi keletin oryndardyń biri qaladaǵy Baým toǵaıy. Búgingi kúnge deıin toǵaı respýblıkalyq mańyzy bar erekshe qorǵalatyn aýmaqtardyń sanatyna kirgendikten, zań júzinde munda qandaı da bir jumystar júrgizýge tyıym salynyp kelgen edi. Jýyrda ǵana qala ákimdiginiń qaramaǵyna ótken toǵaı endi jańa keıipte túrlene túspek.
Qos birdeı fýtbol alańy qaıta qalpyna keltirilip, baq aýmaǵyna kishi arhıtektýralyq músinder ornalytmaq. Baqtaǵy jasyl jelekterdiń jaǵdaıy tekserilip, aǵashtardyń ımmýnıtetin jaqsartý, ósimdikterdi zııankesterden qorǵaý boıynsha bıologııalyq óńdeý jumystary júrgiziletin bolady. Mamandar topyraǵy sortań tartqan aýmaqtardy qunarlandyrý isi de birinshi kezekte qolǵa alynatynyn aıtady. Búginde alqapqa alty kúzetshi men bes ormanshy qaraıdy. Byltyr toǵaıdaǵy qaýipsizdikti kúsheıtý maqsatynda tórt birdeı polısııa beketi qoıylypty.
Almaty qalasy Tabıǵı resýrstar jáne tabıǵatty paıdalanýdy retteý basqarmasynyń bólim basshysy Aleksandr Sergeevtiń sózinshe, byltyr shahar turǵyndaryna qolaıly bolý úshin munda 70 oryndyq ornatylǵan. Oǵan qosa 50 shaqty jol siltegish baǵandar men aqparattyq taqtaıshalar qoıylypty. Budan bylaı Baým ormany jergilikti mańyzy bar eskertkishter tizimine kirmek.
Arman OKTIаBR,
«Egemen Qazaqstan»
ALMATY