Senator Dınar Nóketaeva Senattyń jalpy otyrysynda qant dıabetine qatysty depýtattyq saýal joldap, bul máseleniń «Egemen Qazaqstan» gazetinde kóterilgenin atap ótti.
Depýtattyń aıtýynsha, qant dıabetine shaldyqqan balalardyń ata-analary aryz aıtyp, memlekettik organdar men Densaýlyq saqtaý mınıstrligi esigin tozdyrǵanyn jetkizdi.
Sondaı aq ol bul máselege mınıstrliktiń nemquraılylyq tanytqanyn jáne BAQ salasynda kóterilýine toqtaldy.
«Bul másele buqaralyq aqparat quraldarynda da keńinen kóterilip otyr. Máselen, tek «Egemen Qazaqstan» gazetinde atalǵan jaǵdaılar boıynsha birneshe maqala shyǵyp, Almaty qalasynda qant dıabetiniń 1-túrine shaldyqqan balalardyń ata-analarynyń qatysýymen birneshe baspasóz konferensııasy ótti» dedi Dınar Nóketaeva.
Aıta ketý kerek, búgin Senattyń jalpy otyrysynda senator Dınar Nóketaeva qant dıabetiniń 1-túrine shaldyqqan naýqastarǵa alańdaýshylyq bildirip, Densaýlyq saqtaý mınıstri E. Birtanovqa depýtattyq saýal joldaǵan bolatyn.