Frıstaıldan Leık-Plesıd (AQSh) qalasynda ótip jatqan álem kýbogi kezeńinde qazaqstandyq mogýlshylar fınaldyq kezeńge ótti dep habarlaıdy Olympic.kz.
Erler arasyndaǵy irikteý synynda qazaqstandyq Pavel Kolmakov Olımpıada chempıonyna ǵana ese jiberip, ekinshi orynda tur. Ol 82.51 upaıǵa qol jetkizdi.
Birinshi orynda 83.97 upaı jıǵan kanadalyq Mıkael Kıngsberı. Úzdik úshtikti fransııalyq Bendjamın Kavet qorytyndylap tur.
Taǵy bir qazaqstandyq sportshy Dmıtrıı Reıherd 79.82 upaımen 5-shi satyǵa jaıǵasty.
Sportshylarymyz 18 qańtar kúni ótetin fınalda baq synaıdy. Eske sala keteıik, Iýlııa Galysheva da aqtyq synǵa joldama alǵan bolatyn.