Elbasynyń bıylǵy jyldy Jastar jyly dep jarııalaýyna oraı, «Egemen Qazaqstan» gazeti arnaýly bet shyǵaryp, elimizdegi jastar máselesin tereńirek taldap jazýdy qolǵa aldy. Soǵan oraı keshe gazet redaksııasy men «Jastar» ǵylymı-zertteý ortalyǵy arasynda ózara áriptestik týraly memorandýmǵa qol qoıyldy.
Qos taraptyń bastamasy negizinde jastar saıasatynyń tıimdiligin arttyrý, basym baǵyttaryn modeldeý, jastar saıasatynyń ózekti máseleleri boıynsha birlesken áleýmettik zertteýler iske asyrylatyn bolady. «Jastar» ǵylymı-zertteý ortalyǵynyń dırektory Talǵat Qalıev Elbasy Jarlyǵymen bekitilgen Jastar jylyna aqparattyq-ádistemelik qoldaý kórsetýdiń mańyzy joǵary ekenin atap ótti.
«Qoǵamdaǵy jastar máselesi - memleket saıasatynyń basym baǵyttarynyń biri. Qoǵam damýy men bolashaǵyna degen senimniń qalyptasýy jastardyń áleýmettik-mádenı bolmysymen tikeleı baılanysty ekeni daýsyz» deıdi ol. Sondaı-aq birlese júrgizilgen zertteýler negizinde jastardyń quqyqtyq biliktiligin arttyrý, aqparatyq-keńes berý baǵytynda naqty usynystar ázirlenetin bolady.
Aıa О́MIRTAI,
«Egemen Qazaqstan»