Memlekettik satyp alý portalynda jarııalanǵan málimetter boıynsha Almatyda gazben júretin 200 jańa avtobýs satyp alynatyn boldy dep habarlaıdy qala ákimdiginiń baspasóz qyzmeti.
Tehnıkalyq sıpattamasyna toqtalatyn bolsaq, avtobýstardyń syıymdylyǵy úlken, edenderi jolýshylardyń minip-túsýine qolaıly etip jasalǵan. Aýa jeldetkishi, vıdeo baqylaý kameralarymen, múmkindigi shekteýli jandar úshin arnaıy pandýstarmen jabdyqtalýy tıis ári barlyq tehnıkalyq talaptary Evro-5 ekologııalyq standartyna sáıkes bolýy shart.
О́tken jyly qaladaǵy jolýshy tasymalyn jaqsartý baǵytynda túrli baǵyttar boıynsha 479 jańa avtobýstar qoldanysqa engen. BRT jelisindegi aıaldamalarda alǵashqy elektrondy tablolar iske qosylyp, onda qoǵamdyq kóliktiń nómiri, baǵyty jáne aıaldamaǵa kelý ýaqyty jaıly aqparattar jarııalanyp otyrady.
Qazirgi kezde Jeltoqsan - Tóle bı - ShAJ - Qulja traktimen 13,2 shaqyrymdy quraıtyn joldyń jobalyq-smetalyq qujattary jasalýda.
Qoǵamdyq kólikte qyzmet kórsetý sapasyn arttyrý maqsatynda júrgizýshiler biliktilik Ortalyǵynda bilimderin jetildirip, avtoparkter júrgizýshiler úshin arnaıy jumys kıimder daıarlaýda.
Elvıra SERIKQYZY,
«Egemen Qazaqstan»
ALMATY