Batys Qazaqstan oblysy ákiminiń birinshi orynbasary bolyp 49 jasar Isqalıev Ǵalı Nájimedenuly taǵaıyndaldy. Jańa orynbasardy Batys Qazaqstan oblysy aktıvine óńir basshysy Altaı Kólginov tanystyrdy.
«О́ńir-ortalyq» rotasııa negizinde oblys ákiminiń birinshi orynbasary Igor Steksov Qazaqstan Respýblıkasy Prezıdenti Ákimshiligi Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetine aýysty.
Altaı Kólginov burynǵy oblys ákiminiń birinshi orynbasarynyń óńirdiń áleýmettik-ekonomıkalyq damýy jolyndaǵy jemisti jumysyn atap ótip, jańa qyzmette tabys tiledi.
Qazaqstan Respýblıkasy Prezıdenti Ákimshiligi kelisimimen Batys Qazaqstan oblysy ákiminiń birinshi orynbasary bolyp taǵaıyndalǵan Ǵalı Isqalıev – 1970 jyly týǵan, bilimi joǵary, Batys Qazaqstan agrarlyq ýnıversıtetin «ekonomıka», Halyqaralyq bıznes akademııasyn «menedjment» mamandyqtary boıynsha bitirgen. Ár jyldary «Turan-Álem bank» AQ Oral qalasyndaǵy fılıalynda maman, bólim basshysy, «Temirbank» AQ fılıalynyń dırektory, BQO Kásipkerlikti qoldaý jáne damý departamentiniń dırektory, «Qazaqstan damý banki» AQ atqarýshy dırektory, vıse-prezıdenti, basqarma tóraǵasy, Jambyl oblysy ákiminiń orynbasary, Aqtóbe oblysy ákiminiń orynbasary, Astana qalasy ákimdigi qalalyq Ortany regenerasııalaý basqarmasynyń basshysy bolyp jumys istegen.
Aıta keteıik, Ǵalı Isqalıevtiń ákesi Esqalıev Nájimeden Yqsanuly 1986 jyldan 1993 jylǵa deıin Oral (qazirgi Batys Qazaqstan) oblysyn basqarǵan bolatyn.
Qazbek QUTTYMURATULY,
«Egemen Qazaqstan»
Batys Qazaqstan oblysy