2019 jylǵy 16 qańtarda Qazaqstannyń Soltústik Atlant Sharty Uıymy (NATO) janyndaǵy О́kildiginiń Basshysy Aıgúl Quspan NATO Bas hatshysy Iens Stoltenbergke Senim gramotalaryn tapsyrdy.
Resmı saltanattan keıin oryn alǵan suhbat barysynda Elshi NATO Bas hatshysyna Qazastan Prezıdenti Nursultan Nazarbaevtyń halyqaralyq arenadaǵy qaýipsizdikti nyǵaıtýǵa baǵyttalǵan bastamalarymen tanystyrdy.
I. Stoltenberg Qazaqstandyq bitimgershilik rotasynyń 120 áskerı qyzmetshisi «Indbat» úndi batalony quramynda «Lıvandaǵy BUU-nyń ýaqytsha kúshteri» mıssııasyna qatysý úshin Lıvan Respýblıkasyna jiberilýin qyzyǵýshylyqpen qabyldady.
A. Quspan elimiz Sırııadaǵy janjaldy toqtatý jáne sol elde beıbitshilik pen turaqtylyqty ornatý prosesine belsendi atsalysyp kele jatqanyna nazar aýdardy. Onyń bir jarqyn dáleli retinde sońǵy eki jyl ishinde Sırııa boıynsha Astana prosesiniń 11 raýndy ótkizilgeni aıtyldy.
Sonymen qatar, Elshi Prezıdent N. Nazarbaevtyń tapsyrmasymen Sırııadaǵy soǵys aımaǵynan 47 Qazaqstan azamattaryn, sonyń ishinde 30 balany elge qaıtarýǵa baǵyttalǵan «Jýsan» operasııasynyń sátti júzege asyrylǵanyn atap ótti.
Halyqaralyq máselelerden basqa, taraptar ekijaqty yntymaqtastyqtyń aǵymdaǵy jaǵdaıy men damý keleshegi boıynsha pikir almasty.