Osyǵan deıin qalalyq kardıologııalyq ortalyqta kardıologtar 3000-nan asa aýyr naýqastyń júregin toqtatyp, sátti ota jasaǵan.
Operasııanyń basym bóligi júrek talmasyna ushyraǵan naýqastarǵa jasalyp, hırýrgııalyq emniń barlyǵy joǵary tehnologııalardyń kómegimen istelgen.
«Shymkenttiń kardıologtary bir jyldyń ishinde 500 naýqastyń júregine kúrdeli operasııa jasap shyqty. Dárigerler júrekke ashyq jasalatyn ota kezinde pasıenttiń júregin ýaqytsha toqtatyp qoıdy. Qýantarlyǵy, mundaı qaterli operasııalardyń barlyǵy sátti shyǵýda. Eń bastysy bul sońǵy on jylda bolmaǵan zor kórsetkish», deıdi qalalyq kardıologııalyq ortalyqtyń bas dárigeri Spandııar Bekjigitov.
Ortalyqta júrekke stend qoıý, júrektiń qaqpaqshasyn aýystyrý, aortakoronarly shýnttaý otasy, týa bitken ahaýlaryn bekitý, júre kele paıda bolǵan ahaýdy protezdeý, júrekke ashyq operasııa jasaý syndy 30-ǵa jýyq operasııa túri jasalady.
Sondaı-aq kardıologııalyq ortalyqtaǵy dárigerler sońǵy bir jyldyń ishinde ınfarkt alǵan 2000-nan asa naýqastyń ómirin aman alyp qaldy.
Nurshat TО́KEN,
«Egemen Qazaqstan»
Shymkent