Dúnıejúzilik densaýlyq saqtaý uıymy 2019 jyly qoǵamdyq densaýlyqty saqtaýǵa tónip turǵan 10 basty qaýipti atady. Bul týraly Birikken Ulttar uıymynyń baspasóz qyzmeti habarlady.
«Ekpe arqyly aldyn alýǵa bolatyn qyzylsha men dıfterııanyń, antıbıotıkterge tózimdi qozdyrǵyshtardyń taralýynan, semizdikke deıin jáne aýanyń lastanýynan oryn alatyn aýrýlardan basqa – DDU adamzattyń ujymdyq densaýlyǵy úshin barynsha qaýipti degen onyn atady», - dep habarlady beısenbide BUU-nan.
Osy jyly qoǵamdyq densaýlyq saqtaýǵa tónip turǵan qaýipter qatarynda mynalar atalǵan: aýanyń lastanýy men klımattyń ózgerýi, juqpaly emes aýrýlar (dıabetti, obyr men júrek-qan tamyrlary júıesiniń aýrýlaryn qosa alǵanda), tumaý indeti, antıbıotıkterge tózimdilik. Ebola men basqa da qaýipti ınfeksııalar, alǵashqy medıko-sanıtarlyq kómek júıesi, ekpeden bas tartý, Denge jáne JITS.
«Bıyl DDU qyzmetinde jańa kezeń bastaldy – besjyldyq - esep boıynsha 13-shi - densaýlyq saqtaý salasyndaǵy jahandyq baǵdarlama bastaldy. Ol úsh mıllıard adamǵa eseptelgen: bir mıllardqa medısınalyq saqtandyrýy bar adamdar sany artýy kerek, mıllıardqa – densaýlyq saqtaý salasyndaǵy tótenshe jaǵdaılardan qorǵalǵandar sany artýy, taǵy mıllıardqa 2023 jylǵa qaraı jer sharynyń turǵyndary ózderin barysha deni saý etip sezinýleri kerek. Osy maqsattarǵa jetý úshin, eń aldymen, densaýlyq saqtaý salasyndaǵy eń mańyzdy qaýipterdi joıý kerek», - dep atap ótti BUU.