Elbasynyń «Uly dalanyń jeti qyry» atty baǵdarlamalyq maqalasy naqty ǵylymı derekterge súıene otyryp, jahandyq tarıhtaǵy óz ultymyzdyń rólin baıyppen, durys paıymdaýǵa úndeıdi.
Bul baǵytta óńirde naqtyly jumys bastalyp ta ketti. Ásirese, tarıhshylar men ǵalymdar el tarıhyndaǵy aqtańdaq betterdi shynaıy turǵydan jazyp, esimderi atalmaı ketken, ult zııalylaryn tanytý baǵytynda kóp eńbektenýde. Sonymen qatar, Shoqan Ýálıhanov atyndaǵy Kókshetaý memlekettik ýnıversıteti baýyrlas memleketterdiń joǵary oqý oryndarymen ózara áriptestik týraly kelisim-sharttarǵa qol qoıýda.
Merıem Hákim Túrkııada týǵan qazaq. Búginde Ankara ýnıversıtetindegi túrik dúnıesin zertteý ınstıtýtynyń dırektory. Sonymen qatar mádenıet zertteýshisi, ǵalym. Elbasynyń «Uly dalanyń jeti qyry» atty maqalasymen tanysqan ol, túrki halyqtarynyń kóne mádenıetiniń kóptegen ózgeshelikterin zerttep, qaıtadan álem nazaryna usynǵan durys dep sanaıdy.
–2018 jyldyń sońǵy aılarynda Prezıdenttiń «Uly dalanyń jeti qyry» maqalasy shyqqan kezde dereý oqydym. О́zim uzaq jyldar boıy mádenıet tarıhy pánin oqytamyn. Elbasy «Uly dalanyń jeti qyry» maqalasynda kórsetip otyrǵan qyrlary, álem órkenıetine umtylýǵa meńzegen ısharasy dep túsinemin. Jalpy, Eýrazııa keńistigindegi túrki halyqtarynyń kóne tarıhynan, mádenıetin kóptegen ózgeshelikterin zertteý, qaıtadan álem nazaryna usyný, búkil álem jurtshylyǵyna jarııalaý,–deıdi áleýmettaný ǵylymdarynyń doktory Merıem Hákim.
Qazaqstan tarıhyn zertteý men eldiń mádenı murasyn pash etýge baǵyttalǵan jańa, kúrdeli jobalardy sapaly etip oryndaý – Uly dala elderiniń tarıhı rólin tanýǵa jáne Qazaqstannyń rýhanı-ıdeologııalyq damýyna septigin tıgizeri sózsiz.
Baıqal BAIÁDIL,
«Egemen Qazaqstan»
Aqmola oblysy