Vengrııa chempıonatynyń eń baǵaly oıynshylar kóshin bıyl «Ferensvarosh» klýbynyń sapyndaǵy 30 jastaǵy brazılııalyq legıoner Isael bastaýy múmkin.
Bul fýtbolshy jaıynda biz beker áńgimelep otyrǵan joqpyz. Brazılııanyń eń iri qalasy – San-Paýlýdyń týmasy óz eliniń birqatar komandasy jáne Reseıdiń «Krasnodarynda» óner kórsetti. 2014-2018 jyldar aralyǵynda «Qaırattyń» namysyn qorǵady. Almatylyq klýbtyń sapynda 130 kezdesý ótkizgen jartylaı qorǵaýshy 38 ret qarsylastar qaqpasyn dál kózdedi. Qazaqstannyń sýperkýbogyn eki márte ıelenip, el kýbogyn tórt ret tóbege kóterdi. Premer-lıgada 4 kúmis jáne 1 qola medaldi oljalady. Odan keıin Malaızııanyń «Djohoryna» aýyssa, kóp uzamaı Majarstanǵa qonys aýdardy.
Búgin «Ferensvarosh» klýbynyń basshylary men Isael arasynda kelissózder júrgizildi. Eger qos tarap ortaq mámilege kelse, onda Transfermarkt veb-saıtynda 2 800 000 mıllıon evroǵa baǵalanyp otyrǵan aıtýly azamat Vengrııa chempıonatyndaǵy eń baǵaly fýtbolshylardyń kóshin bastaıdy.
Ǵalym SÚLEIMEN,
«Egemen Qazaqstan»