Esil aýdanynyń ákimi Tólegen Zakarıanov halyqpen kezdesýinde jańa joldar salynyp, aýlalar abattandyrylyp, jaryqtandyrý jumystary júrgizilip jatqanyn aıtty. Bul týraly Astana ákimdiginiń baspasóz qyzmeti habarlady.
«Aǵymdaǵy jyly Turan dańǵylynan Nura - Esil arnasyna deıingi ýchaskede №31 kósheniń, Turan dańǵylynan №37 kóshege deıingi ýchaskedegi № 26 kósheniń, sondaı-aq Turan dańǵylynan Beısekova kóshesine deıingi ýchaskede Hýseın ben Talal kóshesiniń, Máńgilik El dańǵylynan Táýelsizdik dańǵylyna deıingi ýchaskede №29 kósheniń, Turan dańǵylynan «SAT Konstrakshn grýpp» MTJ-ǵa deıingi ýchaskede E22 kósheniń jáne E10, E30, E15, E25 kósheleriniń qurylysy josparlanýda. Budan ózge, №199, E16, E41, E17 shekaralaryndaǵy kósheler, Táýelsizdik dańǵyly boıyndaǵy Esil ózeni arqyly ótetin kópir jáne Orynbor kósheleri shekarasyndaǵy№ 39, № 26, №31 ( № 37, 38, 28 kósheleri) turǵyn úı alaby joldarynyń qurylysy josparlanyp otyr. «Astana qalasynyń ońtústik-batys aınalma joly» jobasynyń qurylysy júzege asyrylýda.
Onyń aıasynda Astana damýynyń bas josparynda kózdelgen k-1 aınalma jolynyń bir bóligi bolyp tabylatyn ýchaske qurylatyn bolady. Bul qala arqyly ótetin avtokólik quraldarynyń aǵyndaryn elordany aınalyp ótýge múmkindik beredi, sondaı-aq júk kóligin qaladan tys jerlerge shyǵaryp, elordada kólik aǵynyn jeńildetedi», – dedi T. Zakarıanov.
Avtomagıstral tórt bólikke bólingen jáne ol 3 kópir men 4 kólik aıyryǵyn qamtıdy. Budan basqa, aǵymdaǵy jyly aýdan bıligi aýdannyń turǵyn alaptarynda 29 kósheni jaryqtandyrýdy, 15 oramishilik ótpe joldardaǵy shuńqyrlardy jóndeýdi, 10 turǵyn úı keshenine jańa dekoratıvtik jaryqtandyrý ornatýdy jáne 10 aýla aýmaǵyna keshendi abattandyrýdy júrgizýdi josparlap otyr.