Búgin Parlament otyrysynda Senattyń depýtaty Nurlan Qylyshbaev sońǵy kezderi elimizde órship turǵan qylmys – urlyqqa qatysty máseleni kóterdi. Osy oraıda senator tısiti shara qabyldaý úshin QR Úkimet basshysy Baqytjan Saǵyntaevtyń atyna depýtattyq saýal joldady.
«Atalǵan qylmys túrleri azamattardyń jeke aýmaǵyna jáne turǵyn úılerine enýimen baılanysty, bul materıaldyq zııan keltirýden basqa azamattardyń densaýlyǵyna moraldyq-psıhologııalyq zııan keltiredi. Múlikten basqa, onda turatyn otbasy músheleriniń ómiri men densaýlyǵyna eleýli qaýip tóndiretin óz turǵyn úıiniń qaýipsizdigi men qorǵalý senimdiligi tómendeıdi. Keltirilgen zalal, atap aıtqanda mal urlyǵynan túsken zardap júzdegen myń tengeni quraıdy. Tipti qylmyskerdi ustaǵan jaǵdaıda da, urlanǵan maldy taýyp, qaıtaryp alý árdaıym múmkin emes», dedi senator.
Keltirgen málimetterge súıensek, Almaty oblysy 2018 jyly tirkelgen qylmystar sany boıynsha respýblıka kóleminde ekinshi orynda, al Almaty qalasy birinshi orynda tur. Sonymen qatar, 2018 jyldyń qorytyndysy boıynsha kórsetilgen kórsetkish 27 678 faktini qurap, 2017 jylmen salystyrǵanda 6,3%-artyp otyr.
«Alańdaǵan azamatttar óz betimen patrýldeý, qylmyskerdi izdestirý jáne ustaý sııaqty taǵy basqa sharalar qabyldaýǵa májbúr, bul sharalar qylmysker úshin de jáne izgi azamattar úshin de kútpegen saldarǵa ákep soǵýy múmkin», dedi ol.
Onyń sózine qaraǵanda, 2018 jyly Almaty oblysynyń aýmaǵynda 17 350 bóten múlikti urlaý faktisi tirkelgen. Respýblıkalyq kórsetkishter boıynsha urlyqtyń eń kóp kórsetkishi tek Almaty qalasyna ǵana jol beretin Almaty oblysyna tıesili. Bul rette atalǵan qylmystardyń ashylý kórsetkishi ótken jyly 32%-dy quraǵan.
Sonyń ishinde 1 338 mal urlyǵy, onyń 44%-y ashylsa, keltirilgen materıaldyq shyǵyn 157 mıllıon teńgeni quraıdy. Sondaı-aq, 1 843 bas mal urlanǵan. Oblys boıynsha 422 adam ustalyp, onyń 239-i buryn osy urlyq jasaǵany úshin jazaǵa tartylǵan. Bul olardyń 57%-y. Árbir úshinshi mal urlyǵy jeke aýlada jasalǵan.
«Mal basyn esepke alýdy jáne birdeılendirýdi kúsheıtý (tańbalaý, syrǵalaý,chıpteý) veterınarııalyq anyqtamalar men pasporttardy berýdi qatań baqylaýǵa alyp, qajetti sharalar qabyldaý qajet.
Tıisti organdar kúdiktilerge qatysty neǵurlym qatań bultartpaý sharalaryn qoldaný qajet. Kóp jaǵdaıda kúdiktilerge qatysty "eshqaıda ketpeý týraly qolhat" nemese "kepil" qoldanylady. Osy sebepten urlyq jasaýda negizdelgen kúdiktilerdiń 5 myńnan astam adam bostandyqta qalýda», dedi Nurlan Qylyshbaev.
Ol depýtattyq saýaldyń qaraý nátıjesin «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsııalyq zańynyń 27-babynda belgilengen merzimde habarlaýyn surady.