Qazaqstannyń áleýmettik-ekonomıkalyq damýyndaǵy basty basymdyqtar – Qazaqstannyń ál-aýqatyn jaqsartý máseleleri. Bul Prezıdent N.Á.Nazarbaevtyń 2019 jyly «Qazaqstandyqtardyń ál-aýqatynyń ósýi: tabys pen turmys sapasyn arttyrý», sondaı-aq «Prezıdenttiń bes áleýmettik bastamasy» atty halyqqa Joldaýlary men Qazaqstanda Jastar jylynyń bastalýynan anyq kórinedi.
Áleýmettik salada úlken ózgerister boldy. Memleket basshysynyń tapsyrmasyna sáıkes, 2019 jylǵy 1 qańtardan bastap eń tómengi jalaqy 28 myńnan 42 500 teńgege deıin ósti. Birlesken zeınetaqyny ındeksasııalaýdan keıin bazalyq zeınetaqyny eskere otyryp, eń joǵary zeınetaqy mólsheri 116 811 teńgeni qurady, eń tómeni – 52145 teńge, eń tómengi kúnkóris deńgeıi – 29 698 teńge. Bilim berý, ǵylym jáne densaýlyq saqtaý salasyna jumsalatyn shyǵyndar kelesi bes jylda IJО́-niń 10% -yna deıin artady dep kútilýde.
Búgingi basty jáne eń ózekti máselelerdiń biri – baspana jaıy. Byltyrdan bastap «7-20-25» ıpotekalyq baǵdarlamasy qolǵa alyndy. О́tken jyly seriktes bankter 44,2 mlrd teńge somasynda ıpotekalyq nesıe berdi. Aımaqtarda qatysýshylar sany boıynsha kóshbasshy – Astana qalasy, odan keıingi orynda Almaty qalasy, Mańǵystaý, Aqtóbe, Shyǵys Qazaqstan jáne Aqmola oblystary. Bankterdiń ishinde turǵyn úı satyp alýǵa berilgen nesıelerdiń basym bóligi Turǵyn úı qurylys jınaq bankinen berilgen. 2018 jyly banktiń 37 myńǵa jýyq salymshylary óz sharshy metrine ıe boldy. Eń kóp nesıeler Astana (7,7 myń nesıe), Almaty (5,8 myń nesıe) qalalary jáne Aqtóbe oblysynda (3,7 myń nesıe) berildi. Ondaǵy 37 myń nesıeniń 42%-y bastapqy naryqta turǵyn úıdi satyp alýǵa, al ekinshi naryqta 52%-dy qurady.
Jahandyq ekonomıkalyq ahýaldyń týrbýlenttiligi jaǵdaıynda Qazaqstan jańa bıikterdi odan ári óristetetin zor áleýetke ıe.
Mádına NURǴALIEVA,
Qazaqstan strategııalyq zertteýler ınstıtýty dırektorynyń orynbasary