Obyr aýrýlary arasynda sút bezi isigi óńirde óte keń taralyp otyr. Respýblıkalyq kórsetkishten 1,5 ese kóp.
Oblysqa jumys saparmen kelgen Qazaq onkologııa jáne radıologııa ǵylymı-zertteý ınstıtýtynyń dırektory Dılıara Qaıdarova paıdalanýǵa berilgen jańa sáýleli dıagnostıka korpýsynyń ashylýyna qatysty. Ol óz sózinde bul maqsat úshin respýblıkalyq qazynadan 313 mıllıon teńge, medısınalyq qural-jabdyqtar satyp alýǵa 80 mıllıon teńge bólingenin jetkizdi.
Jalpy aýmaǵy eki myń sharshy metrdi alyp jatqan ǵımarattyń birinshi qabatynda ýltradybystyq dıagnostıka, rentgen kabıneti jáne patologoanatomııalyq zerthana ornalasqan.
«Buryn hırýrgııa korpýsynan emhanaǵa naýqastar dala arqyly qatynaıtyn. Qazir korpýstyń ishimen barady. Bul pasıentter úshin óte yńǵaıly. Jansaqtaý bólimshesi de jańa nysanǵa kóshirilip, zamanaýı qurylǵylarmen tolyqtyryldy. Patogıstologııalyq bólimshe 4 zamanaýı apparatpen jabdyqtaldy. Onyń 2-ýi – ıtalııandyq, qalǵany – shveısarııalyq jáne japondyq qurylǵylar. Buǵan deıin onkologııalyq aýrýdy anyqtaý 2 aptaǵa sozylsa, qazir qorytyndy nebári 4-5 kúnde daıyn bolady», deıdi onkologtııalyq dıspanser bas dárigeriniń orynbasary Ermek Ábdirimov.
Jańa sáýleli dıagnostıka korpýsynyń paıdalanýǵa berilýine oraı rentgen jáne ýltradybystyq dıagnostıka kabınetteri qosymsha mamandarmen tolyqtyryldy.
О́mir ESQALI,
«Egemen Qazaqstan»
Soltústik Qazaqstan oblysy