Jarqaıyń aýdanynda shaǵyn jáne orta bıznes qarqyndy damý ústinde. 2018 jyly aýdan boıynsha 17 adamǵa óz kásibin ashýǵa nesıe berilgen. Nátıjesinde 373 jańa jumys orny ashylǵan.
Búginde aýdandaǵy ortasha eńbekaqy mólsheri 97 myń teńgeni qurap otyr. О́tken jyldyń qorytyndysy boıynsha, Jarqaıyń aýdany bıýdjettiń kiris bóligin oryndaý boıynsha oblysta aldyńǵylardyń qatarynda. Jalpy aýdanda ekonomıkanyń barlyq salalary boıynsha alǵa umtylý baıqalady. О́tken jyly 2000 sharshy metr turǵyn úı paıdalanýǵa berilgen. Bul burnaǵy jylmen salystyrǵanda 21 prosentke kóp. Ústimizdegi jyly 75 jáne 60 páterlik turǵyn úıler qalpyna keltirilmek. Sońǵysy «7-20-25» baǵdarlamasynyń aıasynda paıdalanýǵa beriletin bolady. Aýdan ákimi Murat Balpannyń aıtýynsha, búginde aýdanda áli kúnge deıin tolyq sheshimin tappaı kele jatqan ózekti máseleler de bar.
– Aýdandaǵy ózekti máselelerdiń biri aýyz sý jáne jol qatynasy. О́tken jyly biz Birsýat aýylyndaǵy sý qubyry jelilerin qalpyna keltirý jáne Shoıyndykól aýylyndaǵy sý qubyry jelilerin qaıta qurý boıynsha jobalyq-smetalyq qujattama daıyndaý jumystaryn bastadyq. Aǵymdaǵy jyly eki aýyldyń máselesin sheshetin bolamyz. Aýdandaǵy joldyń qashyqtyǵy 464 shaqyrymdy quraıdy. Onyń 110 shaqyrymy respýblıkalyq mańydaǵy joldar. Arqalyq-Derjavınsk baǵytyndaǵy tas joldy jóndeý – kóp jyldan beri sheshimin tappaı kele jatqan máselelerdiń biri. Osy maqsatqa 1 mıllıard 200 mıllıon teńge qarjy bólinip otyr. Joldy jóndeý jumystarynyń birinshi kezeńi ótken jyly aıaqtaldy. Aǵymdaǵy jyly joldar tolyǵymen jóndeledi,–deıdi Jarqaıyń aýdanynyń ákimi Murat Balpan.
Aýyl sharýashylyǵy salasyn damytýdyń negizgi baǵyttarynyń biri – mal sharýashylyǵy. Bul baǵytta ótken jyly Tasótkel aýylynda iri qara malǵa arnalǵan taýarly sút fermasy uıymdastyryldy. Búgingi tańda ferma sút ónimderiniń 5 túrin shyǵarady. О́tken jyly aýdanda iri qara mal basy 21 prosentke, qoı basy 11 prosentke kóbeıdi. Elbasy óziniń jyl saıynǵy Joldaýlarynda qoǵamnyń barlyq salasyn avtomattandyrý qajet degen mindet qoıyp otyr. Osy oraıda, búginde aýdan bıýdjetiniń 56 prosenti bilim salasyn qarjylandyrýǵa jumsalýda. Aýdandaǵy bilim oshaqtarynyń 55 prosenti jańa tehnologııalarmen jabdyqtalyp, robototehnıka, IT-synyptar ashylǵan.
Baıqal BAIÁDIL,
«Egemen Qazaqstan»
Jarqaıyń aýdany,
Aqmola oblysy