Palata Tóraǵasy Nurlan Nyǵmatýlın Aýstrııanyń Qazaqstandaǵy Tótenshe jáne О́kiletti elshisi Gerhar Saıllerdi qabyldady.
Taraptar eki el arasyndaǵy yntymaqtastyqty, sonyń ishinde, aýstrııalyq-qazaqstandyq qatynasty damytýdyń ózekti suraqtaryn talqylady.
Májilis Spıkeri Aýstrııa Qazaqstannyń mańyzdy strategııalyq áriptesi ekenin sóz ete kelip, Astana men Vena arasyndaǵy ózara is-qımyldy odan ári tereńdetýdiń mańyzdylyǵyna toqtaldy.
N. Nyǵmatýlın atap ótkendeı, dıplomatııalyq qatynas ornaǵan 27 jyldyń ishinde, eki elge ortaq senimdi saıası dılog pen berik ekonomıkalyq baılanys ornady.
Oǵan Qazaqstan Prezıdenti Nursultan Nazarbaev pen Aýstrııa Fenderaldyq Prezıdenti Haıns Fısherdiń resmı saparlary zor serpin berdi.
Palata Spıkeriniń pikirinshe, Aýstrııa búginde «jasyl» tehnologııa boıynsha álemdik jetekshi elderdiń biri bolyp sanalady. Qazirgi ýaqytta Qazaqstanda aýstrııalyq kapıtaldyń qatysýymen 150-ge jýyq kompanııa jumys isteıdi. Osy jolda bizdiń elimiz energetıka, jańa tehnologııa salasynda yqpaldastyqty damytýǵa yntaly.
Osy oraıda, elshi myrza aımaqta jáne qos memleket arasynda ekonomıkalyq, mádenı gýmanıtarlyq baılanystardy keńeıtýde Qazaqstannyń jetekshi ról atqaratynyn, bizdiń elde EQYU úshin óte mańyzy Astana delarasııa qabyldanǵanyn atap ótti. Jáne Qazaqstannyń da «jasyl» tehnologııa baǵytynda áleýeti zor ekenin aıtyp, ózara yqpaldastyqty odan ári kúsheıtýge nıet bildirdi.
Kezdesý barysynda taraptar, beıindi komıtetter men parlamentaralyq toptar sheńberinde is-saparlar arqyly zańnamalyq tájirıbe almasýdy odan ári yntalandyrý tóńireginde pikir almasty.