«Kompetenz» saqtandyrý kompanııasy» AQ saqtandyrý qyzmetin júrgizý quqyǵyn beretin lısenzııadan aıyryldy. Bul týraly KazTag Qazaqstan Ulttyq bankine silteme berip habarlady.
«Saqtandyrý qyzmeti týraly» Qazaqstan Respýblıkasy Zańynyń 55-baby 1- tarmaǵynyń 2) tarmaqshasynda kózdelgen negizder boıynsha, «jalpy saqtandyrý» salasy boıynsha saqtandyrý (qaıta saqtandyrý) qyzmetin júzege asyrý quqyǵy berilgen 2018 jylǵy 12 qyrkúıektegi № 2.1.24 lısenzııasynyń qoldanylýynyń birneshe ret toqtatylǵany úshin Qazaqstan Respýblıkasy Ulttyq Banki Basqarmasynyń 2019 jylǵy 31 qańtardaǵy № 10 qaýlysymen «Kompetenz» saqtandyrý kompanııasy» aksıonerlik qoǵamy 2019 jylǵy 1 aqpannan bastap Lısenzııadan aıyryldy», - delingen habarda.
Máselen, Qazaqstan Respýblıkasynyń Ulttyq Banki Tóraǵasynyń 2019 jylǵy 31 qańtardaǵy № 63 buıryǵymen ýaqytsha ákimshilik taǵaıyndaldy, oǵan Saqtandyrý uıymynyń barlyq basqarý organdarynyń ókilettikteri ótti.
«Saqtandyrý uıymy 2019 jylǵy 1 aqpannan bastap qarjylyq qyzmetin, onyń ishinde ýákiletti organnyń normatıvtik quqyqtyq aktilerinde kózdelgen shyǵystarǵa baılanysty jaǵdaılardy qospaǵanda, qoldanystaǵy shottar boıynsha operasııalardy júzege asyrýdy toqtatady», - delingen habarda.
Habarda atap ótilgendeı, Qazaqstan Respýblıkasynyń Ulttyq Banki zańnamada belgilengen tártippen Saqtandyrý uıymynyń qyzmetin májbúrlep toqtatý (taratý) týraly ótinishpen sotqa júginedi. Saqtandyrý uıymyn Lısenzııadan aıyrǵan kúnnen bastap kredıtorlardyń Saqtandyrý uıymyna talaptary Saqtandyrý uıymyn ustaýǵa jumsalatyn aǵymdaǵy shyǵystarmen baılanysty talaptardy qospaǵanda, taratý óndirisinde ǵana qoıylýy múmkin.