Almaty oblysynda «7-20-25» baǵdarlamasyn júzege asyrý baǵytynda 3,8 mln sharshy metr bolatyn baspana salynady. Bul uzyn-sany 103,7 myń páterden turatyn 2509 kóp qabatty úı bolmaq. Qazir qurylystyń ınjenerlik-kommýnıkasııalyq ınfraqurylymyn jasaýǵa 2,1 mlrd teńge qarjy bólingen.
Oblystyq qurylys basqarmasynyń málimetinshe, aımaqta turǵyn úıge degen suranys joǵary. Ásirese, óńirdiń Almaty qalasy mańyndaǵy aýdandarynda bul suranys eki esege deıin ósken. Jalpy, «7-20-25» baǵdarlamasy aıasynda Talǵar, Ile, Qarasaı, Panfılov aýdandary men Qapshaǵaı, Taldyqorǵan qalalaryn qosa alǵanda jańadan 26 turǵyn aýdan boı kóteredi dep jobalanyp otyr.
Al búginde osy baǵdarlamaǵa qatysýǵa ynta bildirgen azamattardan jalpy quny 2 mlrd teńgeni quraıtyn 197 ótinish qabyldanyp, onyń 113 ótinimi ekinshi deńgeıli bankter tarapynan maquldandy.
Qalmahanbet MUQAMETQALI,
«Egemen Qazaqstan»
Almaty oblysy