Qyzylorda oblysynda jaqyn jyldary alty sý qoıma salynady.
Agroónerkásiptik keshenin damytýdyń memlekettik baǵdarlamasy sheńberinde qolǵa alynǵan joba boıynsha bul sý qoımalaryna 3 mlrd tekshe metr tasqyn sý jınalady dep kútilýde.
- Olardyń ishinde eń aýqymdysy retinde 1,5 mlrd tekshe metr sý jınaıtyn Qaraózek jáne 600 mln tekshe metr sý jınaıtyn Kúmisketken sý qoımalaryn aıtýǵa bolady. Jyl saıyn Úlken Aral teńizine qaıtarymsyz ketetin 3-4 mlrd.tekshe metr sýdy Kúmisketken jáne Qaraózek sý qoımalaryna jınaımyz. Sol arqyly egistikti sýmen qamtamasyz etýge, mal jáne balyq sharýashylyǵyn damytýǵa jaǵdaı jasalady, - dedi Qyzylorda oblystyq tabıǵı resýrstar men tabıǵat paıdalanýdy retteý basqarmasy basshysynyń orynbasary Baýyrjan Shámenov.
Baqtııar TAIJAN,
«Egemen Qazaqstan»
Qyzylorda oblysy