Qazirgi ýaqytta BJT tóleý tóleýshiniń aqshany qolma-qol nemese ekinshi deńgeıli bankter men «Qazpochta» AQ bólimsheleri arqyly «Azamattarǵa arnalǵan úkimet» Memlekettik korporasııasynyń bank shotyna qolma-qol aqshasyz salýy arqyly júrgiziledi.
Tóleýshiler BJT tóleýdi BJT tólem júrgiziletin aıdy kórsete otyryp, derbes nemese onyń paıdasyna úshinshi tulǵa júzege asyrady.
Respýblıkalyq mańyzy bar qalalardyń, astananyń jáne oblystyq mańyzy bar qalalardyń tóleýshileri úshin 1 AEK (2 525 teńge), basqa eldi mekenderdiń tóleýshileri úshin - 0,5 AEK (1 262,5 teńge) mólsherinde tólem somasy tólenedi.
«Azamattarǵa arnalǵan úkimet» Memlekettik korporasııasy BJT somasyn mynadaı mólsherde:
Tóleýshini tirkeý orny boıynsha memlekettik kirister organyna jeke tabys salyǵy túrindegi BJT mólsheriniń 10 paıyzyn;
Memlekettik áleýmettik saqtandyrý qoryna áleýmettik aýdarymdar túrinde BJT-nyń mólsheriniń 20 paıyzyn;
Biryńǵaı jınaqtaýshy zeınetaqy qoryna mindetti zeınetaqy jarnalary túrinde BJT mólsheriniń 30 paıyzyn;
áleýmettik medısınalyq saqtandyrý qoryna mindetti medısınalyq saqtandyrýǵa aýdarymdar túrinde BJT mólsheriniń 40 paıyzyn bóledi jáne aýdarady.
Búgingi kúni 2 100-den astam tólem tústi. BJT onlaın rejımde tóleý «Qazpochta» AQ saıty jáne termınaldary, sondaı-aq Kaspi.kz - Kaspıı bankiniń mobıldi qosymshasy arqyly júzege asyrylady.
E.gov portalynda elektrondy qyzmet arqyly BJT onlaın rejıminde tóleý 2019 jylǵy aqpan aıynyń sońǵyna deıin iske asyrylatyn bolady. Qyzmet E.gov portalynda júzege asyrylǵannan keıin E.gov-men biriktirý arqyly uqsas qyzmet Memlekettik kirister komıtetiniń portalynda (kgd.gov.kz), sondaı-aq «Salyq tóleýshilerdiń kabıneti» web-qosymshasynda júzege asyrylatyn bolady.