Shymkent qalalyq sáýlet basqarmasy janynan jańa memlekettik-kommýnaldyq mekeme – «Shymkentplan» quryldy. Jańa qurylym qala kósheleriniń barlyǵyn sáýlettik turǵyda retke keltirý úshin jasaqtalǵan. Shtatta dızaınerler, topograftar jáne sáýletshilerden quralǵan 26 adam jumys isteıdi.
Uıymnyń basty maqsaty – shahar kelbetine qatysty jobalyq josparlardy daıyndaý.
Sondaı-aq, shahar turǵyndaryna yńǵaıly bolý úshin atalǵan mekemeniń saıty da iske qosylǵan. Internet resýrsty jasaýshylar sıfrlandyrý nátıjesinde jer telimderin satý-satyp alý barysyndaǵy kóptegen túıtkilder aldaǵy ýaqytta ońtaıly sheshiledi deıdi. Buǵan qosa saıttan nysannyń mekenjaı anyqtamasyn alyp, «Qyzyl» syzyqqa túsetin ýchaskeler týraly málimetti kórip, bilýge bolady.
Osylaısha qalalyq sáýlet basqarmasynan alatyn qajetti anyqtamany turǵyndar endi úıden shyqpaı-aq ala alady.
Nurshat TО́KEN,
«Egemen Qazaqstan»
Shymkent