Májilis Tóraǵasy Nurlan Nyǵmatýlın Aýstrııa Respýblıkasyna resmı sapary barysynda Aýstrııa Ulttyq Keńesiniń Tóraǵasy Volfgang Sobotkamen kelissózder júrgizdi.
Kezdesý barysynda taraptar Qazaqstan Táýelsizdik alǵan kúnnen bastap eki el arasynda syndardy jáne turaqty baılanys ornaǵanyn atap ótti. Májilis Tóraǵasynyń pikirinshe, Aýstrııa Qazaqstan úshin Eýropalyq Odaqtaǵy negizgi áriptesterdiń biri, sondyqtan elder arasyndaǵy eki jaqty yntymaqtastyqty odan ári tereńdetý mańyzdybolyp tabylady.
N.Nyǵmatýlın atap ótkendeı, qos memleket basshylarynyń resmı saparlary jan-jaqty yqpaldastyqty kúsheıtýdiń berik irgetasyn qalady. Qazirgi ýaqytta eki el arasyndaǵy saýda aınalymy bir mıllıard evrony quraıdy. Búginde Qazaqstan Aýstrııa aımaǵyndaǵy eń mańyzdy saýda seriktesi bolyp tabylatyny sózsiz deı kelip, Ulttyq KeńesTóraǵasy Volfgang Sobotka elder arasyndaǵy saıası dıalogty odan ári arttyrýǵa nıetti ekenin jetkizdi.
О́tkizilgen kelissózder barysynda N.Nyǵmatýlın men V.Sobotka beıindi komıtetter men yntymaqtastyq jónindegi toptar deńgeıinde parlamentaralyq ózara is-qımyldy odan ári nyǵaıtýdy, zańnamalyq tájirıbe almasý jónindemańyzdy kelisimderge qol jetkizdi.
Sonymen birge, saýda-ekonomıkalyq baılanystar, ınnovasııa, ekonomıkany sıfrlandyrý, «jasyl tehnologııa», týrızm, aýyl sharýashylyǵy men mádenı-gýmanıtarlyq salanyń áleýettik baǵyttaryn zańnamalyq súıemeldeýdiń mańyzdylyǵyna nazar aýdaryldy. Májilis Tóraǵasynyń aıtýynsha búginde Qazaqstan Respýblıkasy men Eýropalyq Odaq arasyndaǵyyntymaqtasty jáne áriptestikti keńeıtý týraly Kelisimniń áleýeti zor. Bul Kelisimdi Aýstrııa Respýblıkasy da ratıfıkasııalady.
Sondaı-aq, Spıkerler halyqaralyq jáne parlamentaralyq uıymdar arasynda baılanysty nyǵaıtý týraly da kelisimge keldi. Oǵan qazaqstandyq Parlament ókilderiniń EQYU Parlamenttik Assambleıasy qyzmetine belsene aralasýy jáne Aýstrııalyq áriptestermen etene is qımyl jasaýy oń yqpalyn tıgizedi.
Osy rette, V. Sobotka: - EQYU-ǵa múshe bolýymyz bizdiń qatynasymyzdaǵy eń myqty tetik retinde baǵalaımyn, - dedi.
Qazaqstannyńbiraz ýaqyttan beri halyqaralyq qoǵamdastyqtyń tolyq múshesi retinde tabysty jumys istep kele jatqany da qyzyǵýshylyq týǵyzady. Oǵan mysal retinde, 2010 jyly Astanada ótken EQYU sammıtin jáne Aýstrııa eli de qatysqan EKSPO-2017 Halyqaralyq kórmesin atap ótýge bolady.
О́z sózinde V.Sobotka Eýropalyq Odaqtyń jańa StrategııasyOrtalyq Azııa úshin Qazaqstanmen yntymaqtastyqta áleýetterdi baǵyndyrýǵa múmkindik beredi deı otyryp, turaqty damý men jastar máselesine erekshe kóńil bóldi. Osyǵan baılanysty, Májilis Tóraǵasy Qazaqstan Respýblıkasynyń Prezıdenti Nursultan Nazarbaevtyń beıbitshilik pen halyqaralyq qaýipsizdikti nyǵaıtýǵa baǵyttalǵan aýqymdy bastamalaryna aıryqsha nazar aýdardy. Jastardyń zamanaýı róline toqtalǵan Májilis Spıkeri osy jyldyń qańtar aıynda Qazaqstanda «Jastar jyly»ashylǵanyn atap ótti.
- Qazaqstan Respýblıkasynyń Prezıdenti Nursultan Nazarbaev bilimdi jastar eldiń jahandyq básekege qabilettiliginiń basty faktory ekenin aıtty. Búginde bizdiń elimiz sıfrly tehnologııalyq damýǵa batyl qadam jasaýda. Sondyqtan jastardy qoldaý jónindegi keshendi sharalar memlekettik saıasattyń basym baǵyty bolyp tabylady», - dedi N.Nyǵmatýlın.
Kezdesý sońynda Májilis Tóraǵasy Nurlan Nyǵmatýlın Aýstrııa Parlamenti Ulttyq Keńesiniń Tóraǵasy Volfgang Sobotkany 2019 jylǵy 23-24 qyrkúıekte Astana qalasynda ótetin Eýrazııa elderi parlamentteri tóraǵalarynyń tórtinshi otyrysyna qatysýǵa shaqyrý hatyn tabystady.
N.Nyǵmatýlınniń aıtýynsha, bul qazaqstandyq jáne aýstrııalyq Parlament ókilderiniń arasyndaǵy yntymaqtastyqty odan ári nyǵaıtýǵa múmkindik beredi.