«QTJ» UK» AQ enshiles uıymy – «Qaztemirtrans» AQ men júk jóneltýshiler arasynda kólik ekspedısııalary men vagon operatorlary qyzmetin kórsetý jónindegi eki myńdaı kelisimshart jasaldy.
2019 jyldyń 1 aqpanynan vagon parkin tıimdi paıdalaný maqsatynda kólik ekspedısııasy men júk vagondary operatorlyǵy fýnksııasy «KTZ-Express» AQ alynyp, «Qaztemirtrans» AQ berilgeni belgili.
Qazaqstannyń barlyq óńirinde júk jóneltýshilermen selektorlyq keńester ótkizilip, ózara yqpaldastyqtyń jańa sharttaryn túsindirý jóninde kezdesýler boldy. Barlyq týyndaǵan másele jumys toptarynda qarastyrylady. Tasymaldaý prosesi barlyq qatysýshylardyń jumystary uıymdastyryldy.
Júk jóneltýshilermen kelimishart jasasý jáne vagondardy qoıý avtomattandyryldy, bul - júk tasymalyn vagondarmen qamtamasyz etý jónindegi tapsyrystardy qaraýdy jedeldetedi. Respýblıkaishilik qatynastarda júkterdi tasymaldaýǵa tapsyrystardy qaraý ýaqyty úshten bir kúnge deıin qysqardy. Júk jóneltýshiler men múddeli taraptardyń kóliktik ekspedısııa men operasııa qyzmetin kórsetý máseleleri jónindegi aýyzsha jáne jazbasha ótinishterin óńdeý úshin Call-ortalyq ashyldy. Budan basqa, qyzmetti paıdalanýshy klıentter úshin barlyq qajetti aqparat «Qaztemirtrans» AQ korportatıvtik saıtynda ornalastyrylady.
«Bizdiń kompanııanyń jumysy klıentterge sapaly qyzmet kórsetýge baǵyttalǵan. Ol úshin barlyq jaǵdaı jasalýda, týyndaǵan máseleler jedel sheshilip, túsindirý jumystary jalǵasyn tabýda. Tıeletin vagondar tapsyrys josparyna qaraı qoıylyp keledi», - dep atap kórsetti Bas dırektordyń m.a. T.Qoıshyǵul.