Búgin Avstrııanyń Zeefeld qalasynda ótip jatqan shańǵy sport túrlerinen álem chempıonatynda shańǵymen tuǵyrdan sekirýshiler básekesi bastalady. Bul synda qazaqstandyqtar da jarys jolyna shyǵady dep habarlaıdy Olympic.kz.
«Qanatty» shańǵyshylar arasyndaǵy irikteý syny 130 metrlik tramplınde ótedi. Týrnırge 61 sportshy qatysady dep kútilýde.
Qazaqstan atynan tórt sportshy baq synaıdy. Olar: Gleb Safonov, Sabyrjan Múminov, Nıkıta Devıatkın jáne jasóspirimder arasyndaǵy álem chempıonatynyń qola júldegeri Sergeı Tkachenko.
Bizdiń komanda jastardan jasaqtalǵanyn aıta ketken jón. Safonov 17, Tkachenko men Devıaktın 19 jasta. Al Múminov 24 jastaǵy sportshy.
Jarys Astana ýaqytymen 19:30-da bastalady.