Soltústik Qazaqstan oblysynda gaz ballony jaryldy, bir er adam mert boldy. Bul týraly tótenshe jaǵdaılar komıtetiniń resmı ókili Nursultan Nurahmetov málimdedi.
«24 aqpanda saǵat 21:00-de órtke qarsy qyzmet tetigine Soltústik Qazaqstan oblysy Ýálıhanov aýdany Kishkene kól aýylyndaǵy eki páterli jeke turǵyn úıden órt shyqqany týraly habar kelip tústi. Gaz ballony redýktorynyń aqaýynan gaz-aýa qospasy atylyp, onyń arty órtke ulasqan. О́rt saldarynan 12 sharshy metr alańdaǵy jıhaz otqa oranǵan» dedi N.Nurahmetov.
Onyń aıtýynsha, órt sóndirý qyzmetiniń kúshimen órt 21:37-de aýyzdyqtalyp, 21:56-da tolyq sóndirildi.
«О́rt saldarynan kúıip qalǵan 1964 jyly týylǵan er adam jedel-járdem kóliginiń karetasynda kóz jumdy. О́rtti sóndirýge Soltústik Qazaqstan oblysy TJD jeke quramdaǵy 5 adamy men 2 birlik órt sóndirý tehnıkasy jumyldyryldy» dedi TJK tóraǵasy.