Oblys ákimdiginiń keńeıtilgen otyrysynda oblys ákiminiń orynbasary M. Júndibaev Jastar jylynyń sheńberinde ótkizilip jatqan jáne josparlanǵan is-sharalar týraly baıandady.
M. Júndibaev «El erteńi – bolashaq jastardyń qolynda!» Jol kartasyn iske asyrý barysy týraly aıtty.
Jol kartasynda barlyq memlekettik qurylymdardyń qatysýymen júzege asyrylatyn 78 is-shara qarastyrylǵan. Oblys ákiminiń orynbasary jastar bastamalaryn qoldaýǵa baǵyttalǵan jobalar týraly áńgimeledi.
«2018 jyly Qostanaı oblysynyń aýmaǵynda «Zhas Project» Jastar korpýsyn damytý jobasy iske asyryldy. 492 jas iske asyrǵan 143 joba grandtyq qarjylandyrýdy ıelendi. Qarjylandyrýdyń jalpy somasy 230 mln teńgeden asady», - dep habarlady M. Júndibaev.
Sondaı-aq Marat Júndibaev 2019 jyldyń mamyrynda Jastar saraıynyń saltanatty ashylýynda Qazaqstan-Reseı jastarynyń yntymaqtastyq forýmyn ótkizý josparlanyp otyrǵandyǵyn jetkizdi.
Qorytyndylaı kele, ol basym baǵyttyń jas urpaqty, atap aıtqanda, NEET sanatyndaǵy (jumys istemeıtin, oqymaǵan jáne biliktiligin arttyrmaıtyn), jastardy jan-jaqty qoldaýdy qamtamasyz etý ekenin atap ótti.