Elimizdiń sot júıesinde Qazaqstan Respýblıkasy Joǵarǵy Sotynyń bastamasymen «Otbasylyq sot» pılottyq jobasy júzege asyrylýda. El tarıhynda tuńǵysh ret júzege asqan pılottyq joba birinshi kezekte januıa birligin saqtaý, ana men bala quqyǵyn qorǵaýdy kózdeıdi.
«Otbasylyq sot» pılottyq jobasyn júzege asyrý aıasynda Mańǵystaý oblysy Qazaqstan halqy Assambleıasy ǵımaratynda arnaıy «Otbasy ortalyǵy» saltanatty túrde ashyldy.
Ashylý rásimine Mańǵystaý oblystyq sotynyń qylmystyq ister jónindegi sot alqasynyń tóraǵasy Erjan Qarabaev, aýdandyq jáne oǵan teńestirilgen sottardyń tóraǵalary men sýdıalary, Mańǵystaý oblystyq QHA hatshylyǵynyń meńgerýshisi Gúljan Ismýrzına, etnomádenı birlestikterdiń ókilderi qatysty.
Atalǵan ortalyqta otbasylyq daý-janjaldardy sheshý maqsatynda bitimger sýdıa jáne psıholog jumys jasaıtyn bolady. Munda otbasyny saqtap qalý maqsatynda taraptarǵa jáne balalarǵa aldymen psıhologııalyq kómek kórsetiledi.
Ortalyq balalarǵa arnalǵan qyzyqty kitaptarmen, oıynshyqtar men ózge de damytý quraldarymen qamtamasyz etilgen. Ortalyqta isterdi medıatıvtik rásimmen sheshýge zor mán berilmek. Jıynda otbasylyq isterdiń sanattary, olardy bitimgershilikpen sheshý joldary jáne osy baǵyttaǵy sot praktıkalary talqylandy.
Qatysýshylar sotqa alyp keletin daýlardyń sebebi men erli-zaıyptylardyń áleýmettik máseleleri de talqylady. Bul kúni Mańǵystaý oblystyq ákimdiginiń qoldaýymen ótkizilgen qaıyrymdylyq aksııasynyń qorytyndysy shyǵaryldy. Iаǵnı, 1 naýryz Alǵys aıtý kúnine oraı oblys ortalyǵynda qaıyrymdylyq konserti ótkizilip, odan jınalǵan qarajat arnaıy qaıyrymdylyq qoryna aýdaryldy. О́ńirdegi sýdıalar da osy izgi sharadan qalys qalmaı, bir kúndik jalaqylaryn qorǵa aýdarǵan bolatyn.
Nátıjesinde 2 500 000 teńge jınalyp, alqa tóraǵasy Erjan Qarabaev pen Gúljan Ismýrzına kópbalaly jaǵdaıy tómen 5 otbasyǵa ataýly qarajatty teńdeı bólip berdi.
Gúlaıym ShYNTEMIRQYZY,
«Egemen Qazagstan»
Mańǵystaý oblysy