Memleket basshysy Q.Toqaevtyń elorda ataýyna qatysty aıtqan alǵashqy usynysy alysty boljaı alatyn kóregen saıasatker ekenin kórsetti. Otanymyzdyń ortalyǵy Astananyń Nur-Sultan atalýy qoǵam tarapynan qansha jyldan beri aıtylyp júrgen salıqaly usynystyń eskerilip, ýaqtyly iske asýy dep uǵamyn.
Elordanyń Nur-Sultan atalýy biz senim bildirgen, el aldynda júrgen azamattardyń derbes tańdaýy. Nur-Sultan – jasampazdyq pen úılesimdiliktiń úlgisi, eń bastysy – elim degen Elbasy eńbeginiń jemisi hám jeńisi.
Búginde álemdik talaptarǵa saı keletin sáýlettik kelbeti kelisti shaharda halyqaralyq deńgeıdegi aýqymdy sharalar turaqty uıymdastyrylyp, mańyzdy sheshimder qabyldanýda. Bul óz kezeginde Qazaqstannyń abyroıyn asqaqtatyp, bedelin bekemdeýge septigin tıgizýde.
Táýelsiz Qazaqstannyń qabyrǵasy tolyq qatpaǵan kezde N.Á.Nazarbaevtyń tarıhı sheshim qabyldap, bas qalanyń bas arhıtektory bolǵandyǵy óz aldyna jeke dastan. Búginde, elorda – halqymyzdyń maqtanyshy, bolashaqqa jetelep, jańa bolmysty qalyptastyryp otyrǵan tarıhı jobasy.
Aqsaqal retinde Prezıdentimizdiń usynysyn qoldaý – qalany salýǵa qansha jyldar boıy qajyr-qaıratyn jumsaǵan Elbasyna Qazaqstan halqy tarapynan kórsetilgen jan jadyratar jyl qaıtarymy dep bilemin.
Rozaqul HALMURADOV,
IV, V shaqyrylymdardaǵy Parlament Májilisiniń depýtaty