О́zine unaıtyn ári qolaıly kásip túrimen aınalysyp júrgen Raıymbek Aqkóluly – Aqtaýdaǵy Nazarbaev Zııatkerlik mektebiniń túlegi. Ol jeke deteılıng ortalyǵyn ashyp, ólke turǵyndaryn jumyspen qamtýdy bir jyl buryn bastaǵan.
2024 jyly L.N.Gýmılev atyndaǵy Eýrazııa ulttyq ýnıversıtetin «hımııa» mamandyǵy boıynsha támamdaǵan Raıymbek mamandyǵynyń qyzmet kórsetý salasyna qajettiligin ańǵardy. 2025 jyly seriktesi Baýyrjan Aldııarovpen Aqtaýdaǵy «ABS deteiling» hımııalyq tazalaý ortalyǵynyń negizin qalady.
Jeke kásipkerdiń aıtýyn-sha,Aqtaý qalasynyń júrgi-zýshilerine hımııalyq tazalaý, kólikke qorǵanys qaptamalaryn jabystyrý suranysqa ıe. Bastysy – sapaly qyzmet kórsetýdi jolǵa qoıý kerek. Sapaly qyzmet kórsetýdi, tutynýshylarynyń kóńilinen shyǵýdy jáne básekelestikke tózimdilikti qalyptastyrýdy maqsat etken seriktes jigitter jan-jaqty izdenispen jumys isteýdi jón sanaıdy. Olar qazir on adamǵa turaqty jalaqy tólep jumysqa alǵan, aldaǵy jartyjyldyqta taǵy da 5-10 adamdy jumyspen qamtyǵysy keledi.
– Biz áli paıda tabýǵa shyǵa qoıǵan joqpyz. Biraq qazirgi maqsatymyz – qyzmet kórsetýdi joǵary deńgeıge kóterip, qyzmetkerlerimizge Qazaqstan Respýblıkasynyń zańnamasyna sáıkes tolyqtaı jalaqy tóleýdi jolǵa qoıý. Buıyrsa, áriptesterimizdiń qataryn kóbeıtip, ólke ekonomıkasynyń alǵa jyljýyna úles qosqymyz keledi, – deıdi jas kásipker.
Kásibin endi bastaǵan jas kásipkerdiń bastamasy tutynýshylardyń kóńilinen shyǵady degen senimdemiz.
Mańǵystaý oblysy