О́tken jyly Qazaqstannyń EAEO elderimen syrtqy saýdadaǵy úlesi 19,1 mlrd jetken. Bul kórsetkish 2017 jylǵy mejemen salystyrǵanda 10,1 paıyzǵa ulǵaıǵan. Taýarlar jıyntyǵynda ımport kólemi 69,2 paıyzdy (13,2 mlrd dollar) qurasa, otandyq taýarlar eksporty 30,8 paıyz (5,9 mlrd dollar) deńgeıinde. finprom.kz málimetterine súıenetin bolsaq, aǵymdaǵy jyldyń qańtar aıynda áriptestikter aıasyndaǵy aınalym 1,4 mlrd dollardy quraǵan.
Qazaqstan jáne EAEO qatysýshy elderdiń saýda aınalymy aımaqtyq áriptesterdiń ınvestısııalyq belsendiligimen túsindiriledi. Tek ótken jyldyń toǵyz aıynda EAEO tarapynan ulttyq ekonomıkaǵa sheteldik ınvestısııa aǵymy 1,2 mlrd dollardy quraǵan. Bul salystarmaly kezeńmen alǵanda 30,9 paıyzǵa joǵary.
Taıaýda málim bolǵanyndaı, QR SIM jáne «Kazakh Invest» AQ qoldaýymen sheteldik kompanııalardyń qatysýymen quny 3,1 mlrd dollardy quraıtyn 27 ınvestısııalyq jobanyń júzege asady. Nátıjesinde 6 myń jumys ornyn ashý josparlanǵan. Búginde atalǵan kompanııanyń monıtorıng júıesinde 26 eldiń sheteldik ınvestorlardyń qatysýymen jalpy somasy 40 mlrd AQSh dollary kólemindegi 157 joba bar.
Odaq elderinen keletin ınvestısııa kóleminiń ulǵaıýymen qatar úles salmaǵy da artyp keledi. Qazaqstan ekonomıkasyna aımaqtyq áriptester aktıvteriniń ulǵaıýy ınvestorlardyń jekelegen salalarǵa degen qyzyǵýshylyǵyn bildiredi. Sheteldik ınvestısııanyń artýy óndiris kólemi men eksporttyq áleýetti kóterýge yqpal etedi dep baǵalaıdy sala mamandary.
ALMATY