Ár aınalym boıynsha muǵalimder tapsyrmany qarsylastarynan qalyspaı, joǵary deńgeıde oryndady. Ásirese, úshinshi aınalymdaǵy tapsyrmany muǵalimderdiń oryndaýy erekshe qyzyqtyrdy. Baıqaý qatysýshylary begili sýretshiler týyndylaryndaǵy keıipkerlerdiń úlgisinde kıinip, kartınadaǵy kórinisti somdap, ózderiniń jańashyl, kreatıvti ıdeıalaryn, mazmuny jańartylǵan bilim berý baǵdarlamasyna qatysty pikir-tilegin aıtyp, sheberlikterin kórsetti.
Qoǵammen baılanys bóliminiń basshysy Perýza Asylbektiń aıtýynsha, is-sharaǵa gımnazııanyń dırektory bolǵan Eńbek eri, Bilim berý isiniń úzdigi Madına Ibraeva, Y.Altynsarın tósbelgisiniń ıesi, Bilim berý isiniń úzdigi Nuraıym Úsenova, fılologııa ǵylymdarynyń kandıdaty, oqý-quraldarynyń avtory, «Samal-bilim» jobasynyń jetekshisi Tıýkacheva Elena Vladımırovna, «О́rleý» BAUO» AQ fılıaly Almaty qalasy boıynsha PQBAI Qoǵammen baılanys bóliminiń basshysy Perýza Asylbek, Aqparattyq tehnologııalar bóliminiń bas mamany Aıbek Qalmuhan jáne materıaldyq qoldaý kórsetken Qamqorlyq keńesiniń tóraıymy Aınur Nýftıeva, Mıhaıl Iýrevıch Zapopadko, Asylbek Ibragımov qatysty.
Mektepishilik muǵalimder saıysyn uıymdastyryp, onyń mazmundy ótkizilýine qoldaý jasaǵan mektep dırektory Bulbul Ospanbek ustaz mártebesine toqtalyp, muǵalim jaýapkershiligi týrasynda oı qozǵap, búgingi is-shara barysynda kórsetilgen ádis-tásilderdiń jas muǵalimderdiń kásibine paıdaly bolatyndyǵyna senim bildirdi. Ádilqazylar alqasynyń baǵalaýy boıynsha jeńimpazdardy quttyqtady.
Is-shara sońynda ádilqazylar alqasynyń músheleri muǵalimderdiń kásibı sheberligin shyńdaýǵa yqpaly zor saıystyń joǵary deńgeıde ótkizilgenine rızashylyqpen pikir-tilekterin aıtyp, úzdiksiz izdeniste eńbek etetin mamannyń joly ashyq, jetistikter mol bolatynyn aıtyp, mektep ujymynyń bıik jetistikterge qol jetkizýine tilektestikterin bildirdi. «Sheberliktiń shegi» baıqaýynyń júldegerlerine arnaıy syılyqtar berildi.
ALMATY