Bul sheshim memleketimiz úshin qazirgi ýaqytta óte mańyzdy bolyp tabylady. Biz, Qazaqstan halqy, bul saılaýdyń elimizdiń senimmen alǵa jyljýyna kómektesetinin jáne aldymyzda turǵan belgisizdikti aıqyn qylatynyn túsinýimiz kerek.
Qazirgi bolyp otyrǵan belgisizdik jaǵdaı halyqtyń oı-pikirine keıbir túsiniksizdik pen bulyńǵyrlyq berip otyr. Sondyqtan Qasym-Jomart Toqaev ekonomıkany damytý jáne syrtqy seriktestermen qatynastardy nyǵaıtý úshin saılaýdy alǵa jyljytý qajettiligin atap ótti.
Saılaý saıası belgisizdik jaǵdaıyna tán jaǵymsyz úrdisterdi joqqa shyǵarady. Kezekten tys saılaý ótkizý Qazaqstannyń damýyna, ósýine jáne qazirgi ýaqyttaǵy respýblıkamyzdyń saıası jaǵdaıǵa beıimdelýine arnalǵan bul sheshim - memleketimiz úshin qajetti jáne ýaqytyly.
Jahandyq úderisterge qatysý úshin elde ishki turaqtylyq qajet. Elimizdiń árbir azamaty óz daýysyn berip, respýblıkamyzdyń qandaı baǵytta damıtynyn anyqtaýǵa óz septigin tıgizý óte mańyzdy. Halyq saılaǵan Prezıdent el damýynyń baǵytyn anyqtap qana qoımaı, elimizdi halyqaralyq arenada tanystyrady.
Memleket Basshysy Qasym-Jomart Toqaev atap ótkendeı, álemdegi jaǵdaı kúrt ózgeristerge ıe jáne halqymyz úshin bul jaǵdaılar qubylmaly áser etýde. Biz ishki jáne syrtqy saıasatymyzdyń sabaqtastyǵyn, boljamdylyǵyn jáne turaqtylyǵyn nyǵaıtýymyz kerek. Áleýmettik baǵdarlamalardy jáne Elbasynyń strategııasyn tıimdi, tabysty iske asyrý boıynsha jumystardy jalǵastyrýymyz qajet.
Qazir Qazaqstan halqy úshin óte mańyzdy ýaqyt. Men 9 maýsymda barlyq qazaqstandyqtardy shette qalmaýǵa jáne óz tańdaýlaryńyzdy jasaýǵa shaqyramyn!
Eldiń bolashaǵy sizdiń sheshimińizge baılanysty!
B. Máken
Parlament Májilisiniń depýtaty,
«Bolashaq» qaýymdastyǵy Keńesiniń Tóraǵasy