Komıtet basshysynyń aıtýynsha, jańadan tórt uńǵyma qazyldy. Qazirgi kezde úsheýi iske qosyldy. Al sý baspaǵan alty uńǵymamen birge qosqanda barlyǵy toǵyz uńǵyma istep tur.
Sonyń arqasynda kópqabatty úılerge aýyz sý tolyǵymen berildi. Budan bólek, 772 jeke úıde sý bar. Endi, taǵy 670 jeke úı qalyp otyr. Maǵan túsken aqparatqa sáıkes, jańadan qazylǵan tórt uńǵymanyń bireýi búgin iske qosylady. Qalǵan jeke úılerge aýyz sý beriledi, dedi V.Bekker elordada ótken baspasóz máslıxatynda.
Aıta keteıik, QR Prezıdenti Qasym-Jomart Toqaev elordaǵa jaqyn Qosshy aýlynyń aýyz sý máselesin shuǵyl sheshýdi tapsyrdy. Buǵan deıin TJK basshysy Vladımır Bekker ol jerdegi jaǵdaıdyń mán-jaıyn túsindirgen bolatyn. Onyń sózine qaraǵanda, sý basqan uńǵymalardy iske qosý múmkin emes. Sýdyń kektenin kútý kerek. Jergilikti ákimdik súńgýir mamandardy da shaqyrdy. Biraq komıtet olardy jibermeýge sheshim qabyldady. Sebebi adam ómirine qaýip bar. Biraq komıtet basshysy Qosshynyń aýyz sý máselesi úsh-tórt kúnde sheshiledi dep aıtqan.