***
О́ltirmedi Meni Muń emdemedi, "Perishte" dep sengenim "pende" me edi?! О́zegime О́rt qoıyp ózgelerdeı, О́kindirip kettiń ǵoı, Sen de meni...
Satqyndyǵyn О́mirdiń bir uqtyryp, Essiz shaqty eske sap... umyttyryp... Súırep kele jatyrmyn "súıegimdi", Kúırep kele jatyrmyn kúlip turyp...
Birin-biri adamdar satady, aqtap, Álem únsiz Kúnáǵa batady appaq. Meniń jeńilisime kúle qarap, Aǵashtar tur qoldaryn shapalaqtap.
Alystady Ardaqtym "senem" degen, Sol kún teris aınaldy Álem menen. Men taǵy da eń adal Jalǵyzdyqty, Jalǵyz ózim qarsy aldym...О́leńmenen...
***
Jalqylyǵymdy jatsyndy atyrap, bar mań, Kóshede jalǵyz qaldym da qarqyldap kúldim. Tósine Kúzdiń qulaǵan japyraqtardan, Satqyndyq jaıly súıkimsiz án tyńdap turmyn...
Án tyńdap turmyn kóńildiń ókpesin kóne, О́tken shaǵymnyń kórine súıredim, kómip... Japyraqtardy jylaǵan (kektensin kimge?), Aspanǵa shashyp alańsyz bılegim kelip...
Sert bergen sezimderine laıyqtaı bekem, Sap-sary soqpaqtarynan jańylyspaıdy. ...Kúz, seni qalaı "satqyn" dep aıyptaıdy ekem, Japyraq bitken án aıtsa saǵynysh jaıly...
***
Bir-aq sóziń estildi de... Jandym ba? Jas aryldy kóılegimniń jeńinen. Menmensigen Baqtyń ózi aldymda, Basyn ızep amandasty Menimen.
Elemedim Aspandaǵy Aıdy da, Armanymmen oınap júrgen "Qýyspaq". Keshe Meni qan jylatqan Qaıǵyǵa, Qýanyshty shashyp kettim ýystap.
Bir sózińnen О́mir ketti ózgerip, О́zeginde ótkenshaqtyq Kek kúldi. Qaraǵaılar bolmashy bir Sózge erip, "Myna qyzdyń esi aýysqan" dep turdy...
Shyn baqyttyń dámin solaı tatyrdyń, Álem turdy bir-aq aýyz sózińde. Qýanyshty shashyp kele jatyrmyn... Bul Menmin be?.. Túsinbedim О́zim de...
***
О́mir mynaý: kim jeńildi, kim utty?
О́mir mynaý: kúıdirýge qunyqty.
...Jalǵandaǵy jalǵyz ǵana «jebeýshim»,
Ol da meni umytty...
Um(y)tylmaýǵa umtylsam da nesheme,
Umytyldym, solaı eken Peshene.
О́tkenimdi shyǵarǵym kep esimnen,
Uzaq júrdim kóshede.
Solqylynan saýyǵa almaı jaranyń,
Kóshe ushynda jalǵyz uzap baramyn.
«Eski ánimdi» esime sap shyrqaıdy,
Eski shamy qalanyń.
О́kpelemeı...
Kinálamaı,
Sus qylmaı,
Qaıǵymnyń da keýdesinen qushtym jaı.
...Qarsy aldymnan qańǵybas ıt kezikken,
Ol da ketti pysqyrmaı...
***
Arqama aýyr júk artyp, Jazǵyrsyn, meıli, bul jalǵan. Terekteı kúzgi qýartyp, Sabaǵymdy úzsin búr jarǵan.
Uıqysyz tańdy atyryp, Sýaldy nury janardyń. Qalamymdy aldym batyryp, Qarashyǵyna ǵalamnyń.
Bir sıqyr quıdym kóńilge, Tamshysymenen jańbyrdyń. О́kpeshil mynaý ómirge, О́leń bop kelgen taǵdyrmyn.
Jarqylsyz, jumbaq sezimsiz, Juldyzdyń kórdim sóngenin. Appaq bultyna kebinsiz, Aspannyń kórdim kómgenin.
Ǵaıypqa sińdi tirshilik, Buldyrap kózim aldynda. Jyr júrek qaldy tunshyǵyp, Joqpyn ba, álde, barmyn ba?..
Janymnyń derti óleń - muń, Qol sozdy bıikke «muńym». ...Tús kórip jatqan álemniń, Men, múmkin, keıipkerimin...
SURAQ
Synaıdy da eken ǵoı ómir bulaı, Jylaıdy da eken ǵoı kóńil qulaı. Quraq kórpe sekildi júregimdi, Qaıtem seni janshyǵan shógir muń-aı?!
Qanatymdy sharpyltyp kúıikke myń, Jıyp kegin jalǵannyń súıip sherin. Tabanymnyń astynda taptaldy kep, Aspantektes qol jetpes bıiktegim.
Kúıimdi urlap yrǵaqty kóńildegi, Jylar shaqta kózden jas tógilmedi. О́zeýregen ókpege qııa-qııa, О́geısitip jiberdi ómir meni.