Ásirese, az qamtylǵan, kóp balaly otbasylardyń jaǵdaıyna basa nazar aýdarylyp otyr. «Halyqqa kómek» partııalyq jobasy qabyldanǵaly jergilikti bılik organdary men saıası uıymnyń oblystyq fılıalynyń ózara yqpaldastyǵy artyp, keri baılanystyń birizdi júıesi qalyptasa bastady. Biz kelgen máseleni iskerlikpen ashyq talqylaýǵa ázirmiz. Bul oraıda baılanys arnalaryn tıimdi múmkindikteri mol», deıdiqabyldaý bólmesiniń meńgerýshisi Rústem Álibekov.
Bul joly Nur Otan partııasy jergilikti fılıalyna elýden astam adam qaırylyp, ózderin tolǵantqan máseleler tóńireginde oılaryn ortaǵa salyp, muń-muqtajdarymen bólisti. Olardy kásipkerler palatasynyń, oblystyq, qalalyq ákimdiktiń, eńbekpen qamtý jáne áleýmettik baǵdarlamalar basqarmasynyń, áleýmettik saqtandyrý qorynyń ókilderi qabyldap, otbasylyq jaǵdaılarymen jiti tanysyp, ótinishterin muqııat tyńdady.
Alty balanyń anasy Olesıa Hromova 2007 jyldan beri baspana kezeginde turady eken. Áli kúnge deıin áleýmttik járdemaqy taǵaıyndamaǵanyn qynjyla aıtty. Máseleniń túp-tamyryna úńile kelgende onyń aýylda turatyny, al turaqty tirkeýi oblys ortalyǵynda ekeni málim boldy. Oǵan turǵylyqty jeri boıynsha ótinish berýge keńes berildi.
Petropavl qalasynyń turǵyny Alena Kapıtonovanyń asyraýynda eki balasy bar. Páter jaldap turatynyn qınala jetkizdi . Oǵan baspana kezeginde turý úshin qajetti qujattardy jınap, qalalyq ákimdikke rásimdeýge zańger tegin kómek beretini aıtyldy. Qoǵamdyq qabyldaýǵa kelgen Ásel Ádilshına, Elena Menshına,Qarlyǵash Imanqulovanyń ótinishteri de sol jerde sheshimin tapty.
Aldaǵy ýaqytta da baqylaý-qadaǵalaýdy álsiretpeımiz. Atqarýshy, qoǵamdyq uıymdarmen birlese otyryp jedel áreket etý mehanızmin jetildire beretin bolamyz. Bizge joldanǵan shaǵym bola ma, álde qabyldaýǵa kelgen adam bola ma, birde-biriniń talaptary aıaqsyz qalmaıdy. Sóz arasynda adamdardyń partııalyq qoldaýdy tereń sezine bastaǵanyn aıryqsha atap ótken jón. О́zekti máselelerdi talqylaýǵa salalyq mamandar da tartylatyn bolady», fılıaldyń sarapshysy Dınara Aýǵanbaeva.
Soltústik Qazaqstan oblysy