Oǵan Qyzylorda oblysynyń qoǵamdyq densaýlyq saqtaý departamentiniń taǵam nysandaryn sanıtarlyq-gıgıenalyq qadaǵalaý bóliminiń basshysy Dınara Jańabergenova men departamenttiń quqyqtyq jumys bóliminiń basshysy Janat Mambetalıeva qatysty.
Palatanyń mundaı salaǵa qatysty shara ótkizýine zańnamalyq aktilerge engizilgen ózgerister sebep boldy.
Atap aıtqanda, «Qazaqstan Respýblıkasynyń keıbir zańnamalyq aktilerine ólshem birligin qamtamasyz etý jáne standarttaý máseleleri boıynsha ózgerister men tolyqtyrýlar engizý týraly» Zańyna sáıkes «Ákimshilik quqyq buzýshylyq týraly» Qazaqstan Respýblıkasynyń Kodeksine ózgertýler engizildi. Atalmysh ózgertýler aǵymdaǵy jyldyń 11 sáýirinde kúshine endi. Qazaqstan Respýblıkasy «Ákimshilik quqyq buzýshylyq týraly Kodeksiniń» 425-babynyń jańa redaksııasyna sáıkes qoǵamdyq tamaqtandyrý jáne jeke qyzmet kórsetýmen aınalysatyn kásipkerlerdiń sanıtarlyq-gıgıenalyq normatıvterdi buzǵany úshin jaýapkershiligi aıyppul mólsherin ulǵaıtý esebinen kóteriledi.
«Tamaqtandyrý bıznesi óte kúrdeli ekenin eskersek, bul ózgerister sharýashylyq nysandaryna qosymsha aýyrtpalyqtardyń ulǵaıýyna alyp kelýi jáne kásipkerlerdiń der kezinde aqparatpen qamtylmaýy erteńgi kúni olar úshin problemaǵa aınalýy múmkin. Osy oraıda, Zańǵa engizilgen ózgerister jóninde kásipkerler arasynda keń aýqymdy túsindirý jumystaryn júrgizý maqsatynda búgin osy kezdesýdi uıymdastyryp otyrmyz», - dedi Kásipkerler palatasynyń dırektory Ǵalymbek Jaqsylyqov.