2018 jyly aýyldy jerlerdi sýmen jabdyqtaý boıynsha 6 499 aýyldyń 3 892-i nemese barlyq aýyldyń 59,9%-ti qamtamasyz etildi. Búgingi kúni aýyldarda halyqtyń 84,4%-ti nemese 6,5 mln.adam ortalyqtandyrylǵan sýǵa qol jetkizdi.
Jalpy, Qazaqstan halqynyń 90,2%-ti nemese 16,5 mln adam ortalyqtandyrylǵan sýmen jabdyqtaý júıesine qosyldy.
Qala turǵyndaryn ortalyqtandyrylǵan sýmen qamtamasyz etýde eń tómengi kórsetkish Jambyl (86,6%) jáne Aqmola (86%) oblystarynda baıqalyp otyr.
Osyny eskere otyryp, 2019 jyly respýblıkalyq bıýdjetten 411 jobany iske asyrý úshin126,5 mlrd.teńge bólý qarastyrylǵan (aýyldyqjerlerde–71,5 mlrd. teńgege325 joba, qalalyq jerlerde –55 mlrd. teńgege 86 joba), bul 2018 jylmen salystyrǵanda 33%-ke artyq.
Mınıstrlik turaqty túrde josparlaýdyń tıimdiligin arttyrý jáne shyǵyndardy ońtaılandyrý jumystaryn júrgizip jatyr.
Sondaı-aq, memlekettik baǵdarlamada bıýdjet qarajatyn utymdy paıdalanýdy qamtamasyz etý maqsatynda sýmen jabdyqtaý jáne sý tartý jobalaryn josparlaý, irikteý jáne iske asyrý júıeli tásili kúsheıtildi: qujattarǵa qoıylatyn talaptar tolyqtyryldy, barlyq óńirde (Jambyl oblysynan basqa) 2025 jylǵa deıingi aýyldyq jerler boıynsha Keshendi josparlar ázirlendi, negizgi krıterııleri men basymdyqtary naqtylandy.
Sonymen qatar, mınıstrlik kárizdik-tazartý qurylystarynyń jaǵdaıyna erekshe kóńil bóledi.
Búgingi tańda EQQDB-dan jeńildetilgen zaım alý jáne Memlekettik-jekemenshik áriptestik mehanızmi boıynsha ınvestısııalaýǵa daıyn iri qurylys kompanııalarynan usynystar bar.