«Professional» jobasy – bitirýshi stýdentter úshin tájirıbe jınaýǵa taptyrmas múmkindik. Usynylyp otyrǵan jalaqy kólemi de jap-jaqsy. Memleket tarapynan «Jastar praktıkasy» jáne «Jol kartasy» baǵdarlamalary aıasynda jarty jyl kólemde jastarǵa turaqty jalaqy tólenip otyrady. Biraq, biz jastardy 100 paıyz jumyspen qamtımyz dep aıta almaımyz. Olardyń arasynda shartty básekelestik týdyrmaqpyz», deıdi Jandos Qaltaev.
Aıta keterligi, «Professional» jobasy birneshe tórt kezeńdi qamtıdy. I kezeńde Shymkent qalasy jumyspen qamtý jáne áleýmettik qorǵaý basqarmasy men qalanyń TOP-100 uıymy arasynda memorandým jasalady. II kezeńde kompanııa ókilderi pecha kucha formatynda úmitkerlerge óz uıymdary týraly prezentasııa jasaıdy.
III kezeńde kompanııa ókilderi úmitkerlerdi suhbattasý arqyly iriktep alady. IV kezeńde irikteýden ótken jastarǵa 1-10 kún aralyǵynda kompanııamen tanystyrý, túsindirme jumystary júredi. V kezeńde – irikteýden ótken jastar men kompanııa arasynda ýaqytsha jumysqa ornalastyrý týraly kelisim jasalyp, jumysqa joldanady.
Kásiporyn basshylary óz kezeginde jastardy tájirbıeden ótkizip, bilikti jas mamandardyń ishinen eń úzdik kadrlardy jasaqtaı alady.
«Professional» jobasyn júzege asyrý barysynda jas mamandardy jumyspen qamtýda sandyq emes, sapalyq kórsetkishterge basa nazar aýdarylady. Joba eńbek naryǵyna alǵash shyqqan jas túlekterdiń bolashaq qyzmeti men kásibı mansabyn qalyptastyrýǵa baǵyttalǵan», dedi «Nur Otan» partııasy Shymkent qalalyq fılıaly tóraǵasynyń orynbasary Baýyrjan Qýanyshbekov.
Jıyn sońynda joba jaýaptylary oqý ornyn jańa bitirgen jastardy bastamaǵa belsene qatysýǵa shaqyrdy. Sondaı-aq, jas maman izdegen kásiporyndar men mekemelerdi birlesip jumys isteýge úndedi.