«Pravoporıadok» jedel-profılaktıkalyq sharalar barysynda Meńdiǵara aýdanyndaǵy Qasqat selosynda ýkraınalyq 11 azamattyń osynda jumys isteýi úshin tıisti ókiletti organdar ruqsatyn almaǵany anyqtaldy. Sheteldikter Qazaqstan Respýblıkasynyń halyqtyń kóshi-qony týraly zańyn buzǵan. Olar týraly ákimshilik is Meńdiǵara aýdandyq sotyna jiberildi.
Ýkraınalyq azamattar munan basqa shekaralyq aımaqta shekaralyq rejımdi buzǵany úshin ákimshilik jaýapkershilikke tartylyp, olarǵa 5 aılyq eseptik kórsetkish kóleminde aıyppul salyndy. Jedel-profılaktıkalyq sharanyń alǵashqy kúni-aq oblys óńirinde Ákimshilik kodeksiniń 517-baby boıynsha sheteldikterdiń jáne Qazaqstan azamattyǵy joq adamdardyń kóshi-qon zańnamasyn buzǵany jóninde 32 is tirkeldi. Olardyń barlyǵy TMD elderiniń azamattaryna qatysty boldy.