Elbasy sheshimin joǵary baǵalady

Elbasy Nursultan Nazarbaev­tyń atyna Qazaqstan Respýb­lıkasynyń Prezıdenti ókilettigin toqtatýyna baılanysty qazirgi já­ne burynǵy memleketter basshylarynan jedelhattar men hattar kelip túsýde.

Ulybrıtanııa Premer-mı­nıs­­tri Tereza Meıdiń hatyn­da Nursultan Nazarbaevtyń basshy­­ly­ǵymen Qazaqstannyń ósip-ór­kendegen memleketke aınalǵany jáne búkil álem boıynsha serik­testeri bar ekeni atap ótilgen.

«Ulybrıtanııa úshin sizdermen áriptes bolý – zor mártebe. Sizdiń bas­shylyǵyńyzben Ulybrıtanııa men Qazaqstan arasyndaǵy qarym-qatynastar dáıekti damyp keledi. Aldaǵy jyldary strategııalyq serik­testigimiz nyǵaıǵan saıyn el­derimizdiń dostyǵy arta túsedi dep senemin», delingen hatta.   

Fransııa Prezıdenti Emanýel Makron jeke óziniń jáne fransýz halqynyń atynan Nursultan Nazarbaevqa el damýynyń jańa kezeńinde tabysqa jete berýine tilektestik bildirgen. 

«Táýelsiz Qazaqstannyń júrip ótken jolyn úlgi tutarlyq deýge bolady. Sizdiń basshylyǵyńyzben jáne ózińiz tárbıelegen jańa kadrlardyń arqasynda elderińiz iri memleket retinde qalyptasty. О́zekti halyqaralyq máselelerge qatysty syndarly ustanymy Qazaqstandy álemdik deńgeıdegi mańyzdy elge aınaldyrdy», delingen jedelhatta. 

Úndistannyń Premer-mı­nıs­tri Narendra Modı óziniń ha­tyn­­da Nursultan Nazarbaevtyń al­da­ǵy ýaqytta da Úndistan men Qa­zaq­­stan arasyndaǵy qatynas­tar­­dy nyǵaıta túsetinine senim bildir­gen.  

«Qazirgi zamanǵy tarıhta kósh­basshynyń jańadan qurylǵan mem­leketti zamanaýı myqty elder sııaq­ty órkendetip, alǵa jetelep shy­ǵarǵan mysaldary az. Ondaı kósh­basshylardyń asa kórnekti mem­leket qaıratkerine aınalǵan my­saldary da sırek. Tanymal kósh­basshynyń óz erkimen ókilet­tigin toqtatýy odan da sırek kez­desedi. Qazaqstandy sońǵy otyz jyl­ǵa jýyq basqaryp, bılik tizgi­nin ustaıtyn basshylardyń jańa býynyn tárbıeleý jónindegi she­shimińiz arqyly parasattylyq tanyttyńyz», delingen hatta. 

Kanadanyń burynǵy Premer-mınıstri Jan Kreten óziniń hatynda Elbasynyń jáne Qazaqstan Respýblıkasynyń atyna izgi tilegin jetkizgen. 

«Halyqaralyq qoǵamdastyq Siz­diń jahandyq beıbitshilik pen qa­ýipsizdikti nyǵaıtý isine qosqan úle­sińizdi joǵary baǵalaıdy. Siz da­na saıasatyńyzdyń arqasynda eli­ńizde turaqtylyqty jáne ornyqty ekonomıkalyq damýdy qamtamasyz ettińiz», delingen jedelhatta.