Basqarma basshylyǵy kóp páterli turǵyn úılerdiń aýlalarynda, oıyn-saýyq jáne azamattar kóp shoǵyrlanatyn jerlerde mobıldi patrýlder uıymdastyryp, qala joldarynda jol polısııa patrýlderiniń qyzmetin kúsheıtýde.
«Quqyq tártibi» jedel-profılaktıkalyq is-sharasynyń 2 kúninde 507 qoǵamdyq tártipti, sondaı-aq jol qozǵalysy erejelerin buzýǵa ákep soqtyrǵan ákimshilik quqyq buzýshylyq tirkeldi.
«Onyń ishinde jol-kólik oqıǵasyna tikeleı septigin tıgizetin óreskel jol qozǵalys erejesin buzýshylyq, atap aıtqanda, jyldamdyqty asyrǵan 30 júrgizýshige, uıaly telefonmen sóılesip kólik basqarǵan 26 júrgizýshige ákimshilik hattama toltyryldy. Avtokólikti masań kúıde basqarýdyń 4 deregi, qarsy baǵytqa shyǵýdyń 1 deregi, qoǵamdyq oryndarda alkogoldi sýsyndardy ishken 65 tulǵa ákimshilik jaýapkershilikke tartyldy, qaýipsizdik beldigin taqpaýdyń 33 deregi, kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy úshin 29 deregi anyqtaldy», delingen Qyzylorda qalasynyń polısııa basqarmasy baspasóz qyzmetiniń taratqan málimetinde.