Jańa ǵana bokstan Taılandta ótip jatqan Azııa chempıonatynyń fınaldyq saıysy bastaldy.
Jarysty ádettegideı asa jeńil salmaqtaǵy bylǵary qolǵap sheberleri bastady. Sharshy alańǵa ózbekstandyq Nodırjon Mırzahmedov pen úndistandyq Dıpak shyqty. Bul tartys «ala taqııaly» aǵaıyndarymyzdyń paıdasyna sheshildi. Sóıtip, Azııa chempıonatynyń alǵashqy altynyn О́zbekstannyń ókili jeńip aldy. Osy salmaqta baq synaǵan Temirtas Júsipov qola medaldi ıelendi. Jartylaı fınaldyq saıysqa ol jaraqatyna baılanysty shyqpaı qalǵan edi.
Al barsha qazaqstandyq jankúıerler óz órenderiniń jekpe-jekterin taǵatsyzdana kútýde. Fınaldyq básekede biz Zákir Safıýllın (60 kılo) Tursynbaı Qulahmet (75 kılo), Bek Nurmaǵanbet (81 kılo) jáne Qamshybek Qońqabaevtyń (+91 kılo) ónerin tamashalaımyz